完整藏文原文 · 德格版页 当前仅加载第 37 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་ཇི་ལྟ་བའི་ཚུལ་ལས་མི་འདའ་བར་འབྱུང་ངོ་། །དེ་ལྟར་སངས་རྒྱས་ཀྱི་ཕྲིན་ལས་འཇིག་རྟེན་ཐམས་ཅད་ཀྱི་སེམས་ཅན་ཀུན་གྱི་སེམས་དང་སྤྱོད་པ་དང་བསམ་པ་ལ་གནས་པ། དགེ་བ་རྒྱ་ཆེ་བ་ཚད་མེད་པ་དག་ཕྱིར་མི་
D44.037.0026a01.01ལྡོག་པའི་ཡུལ་དང་། སྙིང་རྗེ་ཆེན་པོས་རབ་ཏུ་བསྐུལ་བ་དང་། སྔོན་གྱི་སྨོན་ལམ་གྱིས་ཡོངས་སུ་སྐྱོ་བ་མེད་པ་དང་། སངས་རྒྱས་ཀྱི་ཕྲིན་ལས་མཁྱེན་པའི་སྟོབས་དང་། ཤུགས་ཀྱིས་འཇིག་རྟེན་ཐམས་ཅད་དུ་འབྱུང་སྟེ། འདི་ནི་སངས་རྒྱས་
D44.037.0026a02.01བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་བདུན་པའོ། །སངས་རྒྱས་བཅོམ་ལྡན་འདས་རྣམས་ནི་དགོན་པ་ལ་བཞུགས་སམ། ཞི་བར་བཞུགས་སམ། དབེན་པར་བཞུགས་སམ། སངས་རྒྱས་ཀྱི་རྣམ་པར་སྤྱོད་པ་ལ་བཞུགས་
D44.037.0026a03.01སམ། ཏིང་ངེ་འཛིན་ཆེན་པོའི་གནས་ལ་བཞུགས་སམ། གཅིག་པུ་དགྱེས་པར་བཞུགས་སམ། སྐུ་{མྱི་,མི་}སྣང་བར་བཞུགས་སམ། ཡེ་ཤེས་ཟབ་མོའི་གནས་ལ་བཞུགས་སམ། སངས་རྒྱས་ཀྱི་ཡུལ་གྱི་སྟོབས་ཚད་མེད་པ་ལ་བཞུགས་
D44.037.0026a04.01སམ། སྐུའི་ཡོངས་སུ་སྤྱོད་པ་མི་མཐོང་བར་བཞུགས་ཀྱང་རུང་སྟེ། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་གཞན་གྱིས་མི་ཚུགས་པའི་ཡེ་ཤེས་དང་། སྨོན་ལམ་གྱི་ཚུལ་གྱིས་མོས་པ་བཞིན་དུ་འདུལ་བའི་སེམས་ཅན་
D44.037.0026a05.01རྣམས་ལ་རྒྱུན་མི་འཆད་པར་འབྱུང་སྟེ། སངས་རྒྱས་ལྷ་ཡོངས་སུ་ཚོལ་བས་ཀྱང་། སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །སངས་རྒྱས་ཀླུ་ཡོངས་སུ་ཚོལ་བས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །སངས་རྒྱས་གནོད་སྦྱིན་
D44.037.0026a06.01ཡོངས་སུ་ཚོལ་བ་དང་། སངས་རྒྱས་མིའམ་ཅི་ཡོངས་སུ་ཚོལ་བ་དང་། སངས་རྒྱས་ལྟོ་འཕྱེ་ཆེན་པོ་ཡོངས་སུ་ཚོལ་བ་དང་། སངས་རྒྱས་སྲིན་པ་ཡོངས་སུ་ཚོལ་བ་དང་། སངས་རྒྱས་མི་དང་མི་མ་ཡིན་པ་ཡོངས་སུ་ཚོལ་བ་དང་། སངས་རྒྱས་
D44.037.0026a07.01