完整藏文原文 · 德格版页 当前仅加载第 37 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་གཅིག་དུ་བྱིན་གྱིས་རློབ་པས་ཞིང་གི་རྒྱན་དང་། ཞིང་ཐམས་ཅད་དུ་ཆོས་ཀྱི་སྤྲིན་ཆེན་པོའི་ཆར་རྒྱས་པར་རབ་ཏུ་འབེབས་པས། དབྱངས་ཀྱི་དཀྱིལ་འཁོར་གྱི་རྒྱན་དང་བསྐལ་བ་གྲངས་མེད་པ་ཐམས་ཅད་དུ་སྤྱོད་པའི་
D44.037.0174a01.01རྒྱུན་མི་གཅོད་པས་བྱིན་གྱི་རླབས་ཀྱི་བརྒྱན་དང་སེམས་ཅན་གཅིག་གི་ལུས་སེམས་ཅན་སྙེད་ཀྱི་ལུས་སུ་སྟོན་ཅིང་སེམས་ཅན་ཀྱི་ཁོང་དུ་ཆུད་པར་བྱེད་པའི་ཐམས་ཅད་མཁྱེན་པའི་སྟོབས་བཅུ་དང་། མི་འཇིགས་པའི་མཐུ་ལས་ཕྱིར་མི་ལྡོག་པས་འཕྲུལ་
D44.037.0174a02.01པའི་རྒྱན་ཏོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྒྱན་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ཀྱི་རྒྱན་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་
D44.037.0174a03.01རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་མི་སྒུལ་བ་སྟེ། བཅུ་གང་ཞེ་ན། འདི་ལྟར་གཏོང་བ་ཐམས་ཅད་ཡོངས་སུ་གཏོང་ཞིང་། སྦྱིན་པ་ཐམས་ཅད་སྦྱིན་པར་བྱེད་པས་སེམས་བསྐྱེད་པ་མི་སྒུལ་བ་
D44.037.0174a04.01དང་། སངས་རྒྱས་ཀྱི་ཆོས་ཐམས་ཅད་ངེས་པར་རྟོགས་པར་གཞག་པ་ལ་སེམས་བསྐྱེད་པ་མི་སྒུལ་བ་དང་། སངས་རྒྱས་ཐམས་ཅད་ལ་མཆོད་ཅིང་རིམ་གྲོ་བྱ་བའི་ཡིད་ལ་བྱ་བ་མང་བས་སེམས་བསྐྱེད་པ་མི་སྒུལ་བ་དང་། སེམས་ཅན་ཐམས་ཅད་ཀྱིས་མི་
D44.037.0174a05.01འཁྲུག་པས་སེམས་བསྐྱེད་པ་མི་སྒུལ་བ་དང་། འགྲོ་བ་ཐམས་ཅད་ཡོངས་སུ་མི་གཏོང་བས་སེམས་བསྐྱེད་པ་མི་སྒུལ་བ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་བཙལ་བ་རྒྱུན་མི་གཅོད་པས་སེམས་བསྐྱེད་པ་མི་སྒུལ་བ་དང་། བསྐལ་བ་འགྲོ་བ་
D44.037.0174a06.01ཐམས་ཅད་དང་མཉམ་པ་བརྗོད་དུ་མེད་པའི་ཡང་བརྗོད་དུ་མེད་པར་བྱང་ཆུབ་སེམས་དཔའི་སྤྱད་པ་སྤྱོད་པས་ཞུམ་པར་མི་འགྱུར། སྒྱིད་ལུག་པར་མི་འགྱུར་ཞིང་། བྱང་ཆུབ་སེམས་དཔའི་སྤྱོད་པ་ལས་ཕྱིར་མི་ལྡོག་པས་སེམས་བསྐྱེད་པ་མི་སྒུལ་བ་དང་།
D44.037.0174a07.01