完整藏文原文 · 德格版页 当前仅加载第 37 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་དང་། སངས་རྒྱས་ཀྱི་རྣམ་པར་འཕྲུལ་བའི་རྣམ་པ་ཐམས་ཅད་མ་ལུས་པའི་མཐར་ཐུག་པ་རྣམས་འགྲོ་བ་མ་ལུས་པ་ཐམས་ཅད་དུ་མོས་པ་ཇི་ལྟ་བ་བཞིན་དུ་རྣམ་པར་འཚང་རྒྱ་བས་སངས་རྒྱས་ཀྱི་ཕྲིན་ལས་མཛད་དེ། །འདི་
D44.037.0024a01.01ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་ལྔ་པའོ། །སངས་རྒྱས་བཅོམ་ལྡན་འདས་རྣམས་ཆོས་ཀྱི་འཁོར་ལོ་བསྐོར་བར་མཛད་པ་ཕྱིར་མི་ལྡོག་པའི་ཚུལ་གྱིས་ཕྱིར་མི་ལྡོག་པའི་འཁོར་ལོ་དང་། འཇིག་རྟེན་ཐམས་ཅད་ཀྱི་ཁོང་དུ་ཆུད་
D44.037.0024a02.01པར་འགྱུར་བའི་ཚུལ་གྱིས་ཚད་མེད་པའི་འཁོར་ལོ་དང་། མི་འཇིགས་པའི་སེང་གེའི་ང་རོ་ཆེན་པོའི་ཚུལ་གྱིས་ཐམས་ཅད་མ་ལུས་པར་མངོན་པར་སངས་རྒྱས་པའི་འཁོར་ལོ་དང་། ཆོས་ཀྱི་མཛོད་མུན་པ་མེད་པའི་སྒོས་སྣང་བར་བྱེད་པའི་ཚུལ་གྱིས་ཆོས་ཐམས་ཅད་
D44.037.0024a03.01མཁྱེན་པའི་མཛོད་ཀྱི་འཁོར་ལོ་དང་། ཡེ་ཤེས་ནམ་མཁའི་དབྱིངས་ལྟར་ཚད་མེད་པའི་ཚུལ་གྱིས་ཆགས་པ་མེད་པའི་འཁོར་ལོ་དང་། ཆོས་ཐམས་ཅད་ཀྱི་དངོས་པོ་མེད་པའི་རང་བཞིན་རབ་ཏུ་རྟོགས་པར་བྱ་བའི་ཚུལ་གྱིས་བསྒྲིབས་པ་མེད་པའི་འཁོར་ལོ་དང་། སེམས་
D44.037.0024a04.01ཅན་ཐམས་ཅད་ཀྱི་ཆོས་ཀྱི་མིག་རྣམ་པར་སྦྱོང་བའི་ཚུལ་གྱིས་འཇིག་རྟེན་ཐམས་ཅད་ཀྱི་སྒྲོན་མའི་འཁོར་ལོ་དང་། འཇིག་རྟེན་ཐམས་ཅད་དུ་རྒྱས་པར་འགེངས་པའི་ཚུལ་གྱིས་ཐམས་ཅད་མཁྱེན་པའི་ཆོས་བརྗོད་པའི་འཁོར་ལོ་དང་། སངས་རྒྱས་ཀྱི་ཆོས་ཐམས་
D44.037.0024a05.01ཅད་དང་མི་འགལ་བའི་ཚུལ་གྱིས་སངས་རྒྱས་ཐམས་ཅད་འདབ་འདྲེས་པར་གྱུར་པའི་འཁོར་ལོ་དང་། དེ་དག་ལ་{སྩོགས་,སོགས་}པ་རྣམ་པ་བྱེ་བ་ཁྲག་ཁྲིག་བརྒྱ་སྟོང་དུ་ཆོས་ཀྱི་འཁོར་ལོ་བསྐོར་བས་སེམས་ཅན་ཐམས་ཅད་ཀྱི་སེམས་དང་སྤྱོད་པའི་རྣམ་པ་ལ། །ཆོས་ཀྱི་
D44.037.0024a06.01འཁོར་ལོ་སྐོར་ཏེ། དེ་ལྟར་ཆོས་ཀྱི་འཁོར་ལོ་བསྐོར་བས་ཀྱང་། སངས་རྒྱས་བཅོམ་ལྡན་འདས་རྣམས་སངས་རྒྱས་ཀྱི་ཕྲིན་ལས་བསམ་གྱིས་མི་ཁྱབ་པ་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་དྲུག་པའོ། །
D44.037.0024a07.01