完整藏文原文 · 德格版页 当前仅加载第 37 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
གེ་རྣམ་པར་བསྒྱིངས་པ། འདི་ཉིད་བྱང་ཆུབ་སེམས་དཔའ་དེ་དག་ལ་བསྟན་པའི་ཚུལ་བཅུས་ཡང་དག་པར་རབ་ཏུ་སྟོན་ཏེ། བཅུ་གང་ཞེ་ན། འདི་ལྟ་སྟེ། ཆོས་ཀྱི་དབྱིངས་ཐམས་ཅད་དུ་གཏོགས་པའི་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་རྣམས་ལ། །སངས་རྒྱས་གཅིག་
D44.037.0301b01.01ནས་གཅིག་ཏུ་བརྒྱུད་པ་བསྟན་པ་དང་། འདི་ལྟ་སྟེ། ནམ་མཁའི་དབྱིངས་ཀྱིས་ཀླས་པའི་སངས་རྒྱས་ཀྱི་ཞིང་ཐམས་ཅད་དུ། །ཕྱི་མའི་མཐའི་མུར་ཐུག་པའི་བསྐལ་པར་དེ་བཞིན་གཤེགས་པའི་ཡོན་ཏན་རྗེས་སུ་བརྗོད་པ་བསྟན་པ་དང་། འདི་ལྟ་སྟེ། སངས་རྒྱས་ཀྱི་ཞིང་
D44.037.0301b02.01ཐམས་ཅད་དུ་དེ་བཞིན་གཤེགས་པ་ཡོངས་སུ་སྐྱེ་བ་དང་། མཐའ་དང་དབུས་མེད་པའི་མངོན་པར་རྫོགས་པའི་བྱང་ཆུབ་ཀྱི་སྒོ་རྒྱ་མཚོ་ཡོངས་སུ་བརྗོད་ཅིང་བསྟན་པ་དང་། འདི་ལྟ་སྟེ། ནམ་མཁའི་དབྱིངས་ཀྱིས་ཀླས་པའི་སངས་རྒྱས་ཀྱི་ཞིང་གི་དེ་བཞིན་གཤེགས་པའི་འཁོར་གྱི་དཀྱིལ་
D44.037.0301b03.01འཁོར་གྱི་བྱང་ཆུབ་སེམས་དཔའི་དགེ་འདུན་སྙིང་པོ་བྱང་ཆུབ་ལ་མངོན་དུ་གྱུར་པའི་གནས་བསྟན་པ་དང་། འདི་ལྟ་སྟེ་དུས་གསུམ་གྱི་སངས་རྒྱས་ཀྱི་སྐུ་དང་འདྲ་བར་སྤྲུལ་པ་བ་སྤུའི་སྒོ་ཐམས་ཅད་ནས། སེམས་སྐད་ཅིག་ལ་རབ་ཏུ་དགྱེ་ཞིང་ཆོས་ཀྱི་དབྱིངས་རྒྱས་པར་དགང་བ་བསྟན་པ་དང་། འདི་ལྟ་སྟེ།
D44.037.0301b04.01ཕྱོགས་རྒྱ་མཚོ་ཐམས་ཅད་དུ་སངས་རྒྱས་ཀྱི་ཞིང་རྒྱ་མཚོ་གཞི་མཉམ་པར་བྱིན་གྱིས་བརླབ་ཅིང་ལུས་གཅིག་གིས་རྒྱས་པར་དགང་བསྟན་པ་དང་། འདི་ལྟ་སྟེ། དམིགས་པའི་གཞི་ཐམས་ཅད་ལ་སངས་རྒྱས་ཀྱི་རྣམ་པར་སྤྲུལ་བ་དུས་གསུམ་ཐམས་ཅད་ཡང་དག་པར་གཞོལ་བར་འགྱུར་བའི་
D44.037.0301b05.01བྱིན་གྱི་རླབས་ཡང་དག་པར་བསྟན་པ་དང་། འདི་ལྟ་སྟེ་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་རྣམས་ལ། དུས་གསུམ་གྱི་ཞིང་གཅིག་ནས་གཅིག་ཏུ་བརྒྱུད་པའི་སངས་རྒྱས་ཀྱི་རྣམ་པར་འཕྲུལ་པ་དང་། བསྐལ་པ་རྒྱ་མཚོ་ཡོངས་སུ་བཤད་ཅིང་བསྟན་པ་དང་། འདི་ལྟ་སྟེ། དུས་
D44.037.0301b06.01གསུམ་གྱི་སངས་རྒྱས་ཀྱི་སྨོན་ལམ་རྒྱ་མཚོ་ཐམས་ཅད་བ་སྤུའི་སྒོ་ཐམས་ཅད་ནས་རབ་ཏུ་བརྗོད་པ་ཕྱི་མའི་མཐར་བྱིན་གྱིས་བརླབས་པས། བྱང་ཆུབ་སེམས་དཔའ་ཡང་དག་པར་འབྱུང་བར་བསྟན་པ་དང་། འདི་ལྟ་སྟེ། ཆོས་ཀྱི་དབྱིངས་དང་མཉམ་པའི་སེང་གེའི་ཁྲི་དང་།
D44.037.0301b07.01