完整藏文原文 · 德格版页 当前仅加载第 37 函德格 360a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་དབབ་པ་མཛད་ཅིང་ཆོས་ཀྱི་དབྱིངས་རྒྱས་པར་འགེངས་པ་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}མཐོང་ངོ་། །བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་འོད་ཟེར་གྱི་དྲ་བ་དང་། དཀྱིལ་འཁོར་གྱི་ཁ་དོག་དང་
D44.037.0360a01.01གཟུགས་ཀྱི་གློང་དང་རྒྱན་གྲངས་མེད་པ་ཅན་དགོས་པ་སྣ་ཚོགས་གྲངས་མེད་པ་ལ་སྟ་གོན་དུ་གནས་པ། སངས་རྒྱས་ཀྱི་ཞིང་གྲངས་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་ནས། ཕྱོགས་བཅུའི་ཆོས་ཀྱི་དབྱིངས་རྒྱས་པར་འགེངས་པ་མཐོང་སྟེ། འདི་
D44.037.0360a02.01ལྟར་བ་སྤུའི་སྒོའི་འོད་ཟེར་གྱི་དྲ་བ་དང་། དཀྱིལ་འཁོར་ལ་ལ་ལས་ནི་སྦྱིན་པའི་སྤྱོད་པ་སྐྱོན་མེད་པས། བདོག་པ་ཐམས་ཅད་ཡོངས་སུ་གཏོང་བ་རྣམ་པར་འཕྲུལ་པ་མཐོང་ངོ་། །བ་སྤུའི་སྒོའི་དྲ་བ་དང་། དཀྱིལ་འཁོར་ལ་ལ་ལས་ནི་དུས་གསུམ་
D44.037.0360a03.01གྱི་བྱང་ཆུབ་སེམས་དཔའ་ཐམས་ཅད་ཀྱི་ཚུལ་ཁྲིམས་དང་བརྟུལ་ཞུགས་དང་། ཡི་དམ་དང་ཚུལ་ཁྲིམས་ཀྱི་དཀྱིལ་འཁོར་དུ་རྣམ་པར་འཕྲུལ་པ་མཐོང་ངོ་། །བ་སྤུའི་སྒོའི་འོད་ཟེར་གྱི་དྲ་བ་དང་། དཀྱིལ་འཁོར་ལ་ལ་ལས་ནི་བྱང་ཆུབ་སེམས་
D44.037.0360a04.01དཔའ་ཐམས་ཅད་བཟོད་པའི་སྤྱོད་པའི་རྣམ་པ་དུས་གསུམ་དུ་བྱུང་བའི་བྱང་ཆུབ་སེམས་དཔའ་རྣམས་རྐ་ལག་དང་། ཡན་ལག་གི་དམ་པ་བཅད་ཀྱང་ཉམས་སུ་བཟོད་པ་བྱེད་པའི་རྣམ་པར་འཕྲུལ་པ་དང་། ཁུ་ཚུར་དང་དབྱིག་པས་བསྣུན་ཏེ། མཚོན་
D44.037.0360a05.01གྱིས་ལུས་ལ་བཏབ་ཀྱང་ཉམས་སུ་བཟོད་པར་བྱེད་པའི་རྣམ་པར་འཕྲུལ་པ་དང་། ལུས་ཐམས་ཅད་གཤེགས་སམ། སྙིང་དང་{མྱིག་,མིག་}ཕྱུང་ཡང་ཉམས་སུ་བཟོད་པ་བྱེད་པའི་རྣམ་པར་འཕྲུལ་པ་མཐོང་ངོ་། །བྱང་ཆུབ་སེམས་དཔའ་དུས་གསུམ་དུ་བྱུང་
D44.037.0360a06.01བ་རྣམ་པར་བརྟགས་པའི་ལུས་དང་ལྡན་པ་གཞན་དག་གིས་ཐམས་ཅད་མཁྱེན་པ་ཉིད་ཡོངས་སུ་བཙལ་བའི་ཆེད་དུ་ལུས་དང་། སེམས་ལ་གནོད་པ་ཐམས་ཅད་དང་ཡན་ལག་དང་ཉིང་ལག་བཅད་པ་ཐམས་ཅད་ཀྱང་སྙིང་རྗེ་ཆེན་པོས་དབང་དུ་བྱས་པའི་ཕྱིར་ཉམས་
D44.037.0360a07.01