完整藏文原文 · 德格版页 当前仅加载第 37 函德格 383a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ལ་དབང་བསྒྱུར་བ་ཐོབ་པར་བྱ་བའི་ཕྱིར་ཆོས་སྟོན་ཏོ། །རབ་འཕྲུལ་དགའི་ལྷའི་རྒྱལ་པོ་སྟོང་ཕྲག་བཅུ་ཡང་སྟེང་གི་བར་སྣང་ལ་འཁོད་དེ། ལྷ་རྫས་ཀྱི་གླུ་ཡང་དག་པར་སྦྱར་བའི་ང་རོ་སྙན་པའི་དབྱངས་བསྒྲགས་
D44.037.0383a01.01ཏེ། མཆོད་པ་བྱས་ནས་འདི་སྐད་ཅེས་འཛེར་ཏོ། །རིགས་ཀྱི་བུ་འཕགས་པ་འདི་དཀའ་ཐུབ་ལྔས་ཡོངས་སུ་གདུང་བ་མཛད་པའི་ཚེ། མེའི་ཕུང་པོ་འདི་ལས་དེ་དང་འདྲ་བའི་འོད་བྱུང་ཞིང་དེས་ཁོ་བོ་ཅག་གི་གཞལ་མེད་ཁང་འདི་དག་
D44.037.0383a02.01རྣམ་པར་དག་སྟེ། གསལ་བ་དང་འོད་ཤིན་ཏུ་དང་བར་གྱུར་ཏོ། །རྒྱན་འདི་དང་ལྷའི་བུ་མོ་འདི་དག་ཀྱང་རྣམ་པར་དག་ཅིང་གསལ་ལ་འོད་ཤིན་དུ་དང་བར་གྱུར་ཏོ། །དེ་བས་ན་བདག་ཅག་ཀྱང་ལྷའི་བུ་དང་ལྷ་མོའི་ཚོགས་ཀྱི་འཁོར་དང་
D44.037.0383a03.01བཅས་པར་འདོད་པ་ལ་དགའ་བར་ཚོར་བ་མེད་དོ། །འདོད་པའི་བདེ་བ་ལ་མངོན་པར་དགའ་བ་མེད་པས་ལུས་དང་སེམས་ཚིམ་པར་གྱུར་ནས། འཕགས་པ་འདིའི་དྲུང་དུ་དོང་བ་ཡིན་ཏེ། འཕགས་པ་འདི་ནི་བདག་ཅག་དེ་ལྟར་ཕྱིན་པ་རྣམས་ལ་
D44.037.0383a04.01སེམས་རྣམ་པར་དག་པར་བྱ་བའི་ཕྱིར་ཆོས་སྟོན་ཏོ། །སེམས་ཀྱི་འོད་འདང་བར་བྱ་བ་དང་། སེམས་ཤིན་དུ་དག་པར་བྱ་བ་དང་། སེམས་ལས་སུ་རུང་བར་བྱ་བ་དང་། སེམས་ཀྱི་དགའ་བ་ཡོངས་སུ་བསྐྱེད་པ་དང་། སྟོབས་བཅུའི་ཡེ་ཤེས་
D44.037.0383a05.01འཐོབ་པ་རྣམ་པར་དག་པར་བྱ་བ་དང་། ཆོས་ཀྱི་ཤུགས་ཆེན་པོ་རྣམ་པར་འཕེལ་བར་བྱ་བ་དང་། སངས་རྒྱས་ཀྱི་སྐུ་ཚད་མེད་པ་མངོན་པར་བསྒྲུབ་པའི་ཕྱིར་ལུས་རྣམ་པར་དག་པར་བྱ་བ་དང་། དེ་བཞིན་གཤེགས་པའི་གསུང་ཐོབ་པར་བྱ་བའི་ཕྱིར་
D44.037.0383a06.01ངག་རྣམ་པར་དག་པར་བྱ་བ་དང་། ཐམས་ཅད་མཁྱེན་པ་ཉིད་རབ་ཏུ་ཐོབ་པར་བྱ་བར་སེམས་རྣམ་པར་དག་པར་བྱ་བའི་ཕྱིར་ཆོས་སྟོན་ཏོ། །རབ་དགའ་ལྡན་གྱི་ལྷའི་རྒྱལ་པོ་སྟོང་ཕྲག་བཅུའི་ལྷའི་བུ་དང་། ལྷའི་བུ་མོའི་ཚོགས་ཀྱི་འཁོར་དང་བཅས་
D44.037.0383a07.01