完整藏文原文 · 德格版页 当前仅加载第 37 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ཐམས་ཅད་ཀྱིས་ཐུགས་སུ་ཆུད་པ་སྟེ། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་བྱུང་བའོ། །མངོན་པར་འགྲུབ་པའི་སྤྱོད་པ་ཁྱད་པར་དུ་འཕགས་པའི་སྨོན་ལམ་དང་། བྱང་ཆུབ་སེམས་དཔའི་སྤྱོད་པས་རྣམ་པར་དག་པའོ། །བྱང་
D44.037.0036b01.01ཆུབ་སེམས་དཔའི་སྤྱོད་པ་ཐམས་ཅད་ཀྱིས་ཡོངས་སུ་རྫོགས་པར་བྱས་པའོ། །ཐ་དད་པ་མེད་པའོ། །སངས་རྒྱས་ཐམས་ཅད་ཀྱི་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་བྱུང་བའོ། །བྱང་ཆུབ་སེམས་དཔའི་སྤྱོད་པ་རྒྱ་མཚོའི་སྤྱོད་པའི་ཚུལ་ཐམས་ཅད་ཐུགས་
D44.037.0036b02.01སུ་ཆུད་པའོ། སྨོན་ལམ་དང་སྤྱོད་པ་ཆེན་པོས་ཡོངས་སུ་མི་དོག་པའོ། །སྤྱོད་པ་ཐམས་ཅད་མི་མཉམ་པ་མེད་པས་ཡོངས་སུ་རྫོགས་པར་བྱས་པའོ། །སྤྱོད་པའི་སྟོབས་ལ་ཐུབ་པར་དཀའ་བའི་སྤྱོད་པ་ཐམས་ཅད་ཀྱིས་མངོན་པར་བྱུང་བའོ། །
D44.037.0036b03.01སྤྱོད་པ་ཐམས་ཅད་ཀྱིས་རྣམ་པར་དག་པའོ། །བྱང་ཆུབ་སེམས་དཔའི་སྤྱོད་པ་ལེགས་པར་སྤྱད་པས་རྒྱུད་དམའ་བ་མེད་པའོ། །སངས་རྒྱས་ཐམས་ཅད་ཀྱིས་ཚད་མེད་པར་སྤྱོད་པའོ། །ཏིང་ངེ་འཛིན་ཐམས་ཅད་ཀྱིས་སྤྱོད་ཡུལ་མཐའ་ཡས་
D44.037.0036b04.01པའོ། །ལམ་ཐམས་ཅད་ཀྱིས་རབ་ཏུ་བརྗོད་པ་མ་ཡིན་པའོ། །ལམ་གྱི་ཡུལ་མེད་པའོ། །ལམ་ཐམས་ཅད་ལ་རབ་ཏུ་ཞུགས་པའོ། །ཡེ་ཤེས་དམ་པའི་སྟོབས་ཀྱི་ཚུལ་མཁྱེན་པའོ། །བག་ཚ་བ་མི་མངའ་བས་ཆོས་ཀྱི་ཆར་འབེབས་པའི་འཁོར་ལོ་
D44.037.0036b05.01དང་ལྡན་པའོ། །དགེ་བ་དྲིས་པ་དང་མ་དྲིས་པ་ལ་རྗེས་སུ་འཐུན་པའི་ཆོས་ཀྱི་ཚུལ་སྟོན་པ་མཁྱེན་པའོ། །མཉམ་པ་མེད་པ་དང་མཉམ་པས་ཤིན་ཏུ་དག་པའོ། །སྐུ་དང་ཐུགས་དང་གསུང་གི་ཡང་དག་པར་སྤྱོད་པ་རྣམས་ལ་ཕྲིན་ལས་གསུམ་ཡོངས་
D44.037.0036b06.01སུ་དག་པ་དང་། སངས་རྒྱས་ཀྱི་བསྒོམ་པས་བརྙེས་པའོ། །སངས་རྒྱས་ཀྱི་རྣམ་པར་སྤྱོད་པས་བརྙེས་པའོ། །དེ་བཞིན་གཤེགས་པའི་རིགས་ཐམས་ཅད་བསྐྱེད་པའི་དོན་དུ་སངས་རྒྱས་ཀྱི་ཡེ་ཤེས་ཀྱི་མཛད་པ་ཐམས་ཅད་རབ་ཏུ་འབྱུང་བའོ། །
D44.037.0036b07.01