完整藏文原文 · 德格版页 当前仅加载第 37 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
མངའ་འོ། །དེ་བཞིན་གཤེགས་པའི་ཞབས་ལ་དེ་བཞིན་གཤེགས་པའི་མཚན། སངས་རྒྱས་ཀྱི་འོད་ཟེར་ཟླ་བ་འོད་འཕྲོ་བས་རབ་ཏུ་བརྒྱན་པའི་སྙིང་པོ་ཅན། རིན་པོ་ཆེའི་རྒྱལ་པོ་ཀུན་ཏུ་དྲི་ཞིམ་ཞིང་འོད་འབྱུང་བའི་འོད་ཟེར་གྱི་
D44.037.0056a01.01དཀྱིལ་འཁོར་རྒྱ་མཚོའི་གཞི་རིན་པོ་ཆེའི་འཁོར་ལོ་ཐམས་ཅད་དུ་འབྱུང་བ་སྣ་ཚོགས་རིན་པོ་ཆེ་ཐམས་ཅད་ཀྱི་ཁ་དོག་དང་མདོག་དང་། འོད་ཟེར་གྱི་འཁོར་ལོ་ཁོངས་སུ་ཆུད་པའི་གཞིར་འཇིག་རྟེན་གྱི་ཁམས་རྒྱ་མཚོ་དང་། སངས་རྒྱས་རྒྱ་མཚོ་ཁོངས་སུ་ཆུད་པར་
D44.037.0056a02.01རྣམ་པར་སྣང་ཞིང་འབར་བས། འཇིག་རྟེན་གྱི་ཁམས་ཐམས་ཅད་དུ་བྱང་ཆུབ་སེམས་དཔའ་ཤིན་ཏུ་སྟོན་པའི་སྒོ། སངས་རྒྱས་ཀྱི་ཆོས་རྒྱ་མཚོ་ཐམས་ཅད་ཀྱི་སྤྲིན་གྱི་སྒྲའི་ང་རོ་རབ་ཏུ་གཏོང་བས། དེ་བཞིན་གཤེགས་པའི་ཞབས་ཀྱི་མཐིལ་ལ་མཚན་ཐམས་
D44.037.0056a03.01ཅད་ཀྱིས་རབ་ཏུ་བརྒྱན་པའི་རྒྱན་སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་རབ་ཏུ་སྟོན་པའི་སྤྲིན་ཅེས་བྱ་བ་མངའ་སྟེ། དེ་བཞིན་གཤེགས་པ་རྣམ་པར་སྣང་མཛད་ཀྱི་སྐུའི་ཡན་ལག་དང་། ཉིང་ལག་ཐམས་ཅད་ནི་དེ་དག་ལ་སོགས་པ་དེ་བཞིན་གཤེགས་པའི་མཚན་མང་པོའི་
D44.037.0056a04.01སྤྲིན་འཇིག་རྟེན་གྱི་ཁམས་གཞི་དང་། སྙིང་པོ་མེ་ཏོག་གི་རྒྱན་གྱིས་བརྒྱན་པ། རྒྱ་མཚོ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རིན་པོ་ཆེ་སྣ་ཚོགས་ཐམས་ཅད་ཀྱི་མཚན་རིན་པོ་ཆེས་རབ་ཏུ་བརྒྱན་པའོ། །ཤིན་ཏུ་རྒྱས་པ་ཆེན་པོའི་མདོ། །སངས་རྒྱས་ཕལ་པོ་
D44.037.0056a05.01ཆེ་ཞེས་བྱ་བ་ལས་དེ་བཞིན་གཤེགས་པའི་སྐུའི་མཚན་རྒྱ་མཚོ་བསྟན་པའི་ལེའུ་སྟེ་བཞི་བཅུ་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་དྲུག་པ། །དེ་ནས་བཅོམ་
D44.037.0056a06.01ལྡན་འདས་ཀྱིས་བྱང་ཆུབ་སེམས་དཔའ་ལག་ན་རིན་པོ་ཆེ་ལ་བཀའ་སྩལ་པ། ལག་ན་རིན་པོ་ཆེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དཔེ་བྱད་བཟང་པོ་འོད་འཛིན་པ་དང་ལྡན་པའི་རྒྱལ་པོ་ཞེས་བྱ་བ་མངའ་སྟེ། དེ་ལས་འོད་ཟེར་བར་
D44.037.0056a07.01