完整藏文原文 · 德格版页 当前仅加载第 37 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་སྐད་ཅིག་གཅིག་དུ་གཟུང་བ་རྟོགས་པའི་ཡེ་ཤེས་སྣང་བས་མངོན་པར་བསྒྲུབས་པ་དང་། འགྲོ་བ་ཐམས་ཅད་ཀྱི་ཉོན་མོངས་པ་དང་བག་ཆགས་དང་བསམ་པ་དང་། བག་ལ་ཉལ་བ་བྱང་བར་ཐོབ་པའི་ཡེ་ཤེས་ཀྱི་ཚུལ་གྱིས་མངོན་པར་བསྒྲུབས་པའི་བྱང་ཆུབ་
D44.037.0222b01.01སེམས་དཔའི་སྤྱོད་པ་བསྒྲུབ་པ་མི་གཏོང་བས་བྱང་ཆུབ་སེམས་དཔའ་རྣམས་ཀྱི་ལམ་ནི་དེ་བཞིན་གཤེགས་པའི་སྟོབས་བཅུ་རབ་ཏུ་རྟོགས་པ་ལ་ཡང་དག་པར་བཏང་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལམ་སྟེ། དེ་དག་ལ་
D44.037.0222b02.01གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པ་ཐམས་ཅད་ཀྱི་ལམ་ལ་མཁས་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་རྣམས་ཀྱི་ལམ་ནི་ཚད་མེད་པའོ། །ལམ་གྱི་ཚོགས་ནི་ཚད་
D44.037.0222b03.01མེད་པའོ། །ལམ་བསྒོམ་པ་ནི་ཚད་མེད་པའོ། །ལམ་གྱི་རྒྱན་ནི་ཚད་མེད་པའོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དེ་ལ་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལམ་ཚད་མེད་པ་སྟེ། བཅུ་གང་ཞེ་ན་འདི་ལྟར་ནམ་མཁའི་
D44.037.0222b04.01དབྱིངས་ཚད་མེད་པ་དང་། མཐའ་དང་དབུས་མེད་པའི་ཆོས་ཀྱི་དབྱིངས་ཚད་མེད་པ་དང་། མི་ཟད་པའི་སེམས་ཅན་གྱི་ཁམས་ཚད་མེད་པ་དང་། མུ་མེད་པའི་འཇིག་རྟེན་གྱི་ཁམས་ཚད་མེད་པ་དང་། མི་ཟད་པའི་བསྐལ་པ་འགྲངས་པ་ཚད་མེད་པ་
D44.037.0222b05.01དང་། འགྲོ་བ་ཐམས་ཅད་ཀྱི་ཐ་སྙད་མཐའ་ཡས་ཤིང་ཚད་མེད་པ་དང་། དེ་བཞིན་གཤེགས་པའི་སྐུ་ཚད་མེད་པ་དང་། དེ་བཞིན་གཤེགས་པའི་གསུང་གི་དབྱངས་ཚད་མེད་པ་དང་། དེ་བཞིན་གཤེགས་པའི་སྟོབས་ཚད་མེད་པ་དང་། ཐམས་ཅད་
D44.037.0222b06.01མཁྱེན་པའི་ཡེ་ཤེས་ཚད་མེད་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལམ་ཚད་མེད་པ་རྣམས་སོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། ནམ་མཁའི་དབྱིངས་ཅི་ཙམ་དུ་ཚད་མེད་པ་དེ་ཙམ་དུ་ཚད་མེད་པའི་བྱང་ཆུབ་
D44.037.0222b07.01