完整藏文原文 · 德格版页 当前仅加载第 37 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་པར་བྱ་སྟེ། ཀྱེ་རྒྱལ་བའི་སྲས་དེ་དག་ལ་སོགས་པ་མངོན་པར་བསྒྲུབ་པ་བརྒྱ་སྟོང་ཚད་མེད་པའི་སྒོས། བྱང་ཆུབ་
D44.037.0118a01.01སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་ཐུགས་སྐྱེ་བ་ཁོང་དུ་ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་འདི་ཉིད་ཡང་བརྟག་པར་བྱ་བའི་ཕྱིར། དེའི་ཚེ་ཚིགས་སུ་བཅད་པ་འདི་དག་སྨྲས་
D44.037.0118a02.01སོ། །སྟོབས་བཅུ་མངའ་བའི་ཐུགས་ནི་ཡེ་ཤེས་མཆོག་ལས་བྱུང་། །རྒྱལ་བའི་ཡེ་ཤེས་དེ་ཡང་ཇི་ལྟར་བརྟག་ཅེ་ན། །ཕྱོགས་བཅུ་ཀུན་གྱི་སེམས་ཅན་ཁམས་རྣམས་ཇི་སྙེད་པ། །ཐམས་ཅད་ལུས་མེད་རང་བཞིན་མེད་པའི་མཁའ་ལས་འབྱུང་། །
D44.037.0118a03.01ཆོས་དབྱིངས་ཀུན་གྱི་སེམས་ཅན་ཁམས་རྣམས་ཇི་སྙེད་པ། །བཟོ་དང་མཁས་པའི་ཤེས་པ་སྣ་ཚོགས་བདེ་མྱོང་བ། །དེ་དག་ཐམས་ཅད་བདེ་གཤེགས་མཁྱེན་ལས་ཐབས་ཀྱིས་འབྱུང་། །བདེ་གཤེགས་ཡེ་ཤེས་དེ་ནི་སྔོན་ནས་རང་བཞིན་མེད། །ཆོས་ཀྱི་
D44.037.0118a04.01དབྱིངས་ལ་གནས་ཏེ་དབང་ཆེན་ཚོགས་རྣམས་གྲོལ། །ཕྱོགས་བཅུའི་རང་རྒྱལ་ཐེག་ལ་གནས་པ་ཀུན་ཀྱང་སྟེ། །སངས་རྒྱས་མ་ལུས་པ་ཡང་ཆོས་ཀྱི་དབྱིངས་སུ་འབྱུང་། །ཆོས་དབྱིངས་དེ་ལ་རྣམ་པར་འཕེལ་ཞིང་འགྲིབ་པ་མེད། །དེ་བཞིན་སངས་
D44.037.0118a05.01རྒྱས་མཁྱེན་ལ་ཤེས་པ་ཀུན་འབྱུང་སྟེ། །སློབ་དང་མི་སློབ་འདུས་བྱས་འདུས་མ་བྱས་པ་འབྱུང་། །བདེ་གཤེགས་དམ་པའི་ཡེ་ཤེས་འཕེལ་ཞིང་འགྲིབ་{མྱེད་,མེད་}དེ། །སངས་རྒྱས་ཡེ་ཤེས་དེ་ལ་སྐྱེ་ཞིང་འཇིག་པའང་མེད། །ཇི་ལྟར་གླིང་རྣམས་ཆུ་ཡི་རྒྱལ་
D44.037.0118a06.01པོས་མངོན་བརླན་པས། །ས་སྟེང་གང་འདོད་བརྐོས་པར་ངེས་པར་ཆུ་འབྱུང་འཐོབ། །ས་ལ་རྣམ་རྟོག་མེད་དེ་ཆུ་ལ་མུ་མེད་པས། །བརྩོན་འགྲུས་སྟོབས་དང་ལྡན་ན་ཕྱོགས་ཀུན་ཆུ་ཡང་འབྱུང་། །ཕྱོགས་བཅུ་མ་ལུས་སེམས་ཅན་ཁམས་རྣམས་ཇི་སྙེད་
D44.037.0118a07.01