完整藏文原文 · 德格版页 当前仅加载第 37 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་རང་བཞིན་གྱིས་སྟོང་པར་རྣམ་པར་བལྟ་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་གཉིས་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་བསྐལ་པ་
D44.037.0181a01.01མཐའ་དང་དབུས་མེད་པར་ཆོས་དཀར་པོ་ཐམས་ཅད་ཀྱི་སྤྱོད་པ་དང་ལྡན་པའི་སེམས་བསྐྱེད་པས་བྱང་ཆུབ་སེམས་དཔའི་སྤྱད་པ་སྤྱོད་ཅིང་ཆོས་དཀར་པོ་ཡང་དག་པར་བླངས་པ་ཐམས་ཅད་ལ་ནན་ཏན་དུ་བྱེད་པས་དེ་བཞིན་གཤེགས་པའི་ཡེ་ཤེས་ཚད་མེད་པ་ཡང་
D44.037.0181a02.01ཁོང་དུ་ཆུད་པར་བྱེད་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་གསུམ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཐམས་ཅད་ཀྱིས་དགེ་བའི་བཤེས་གཉེན་ལ་ཚུལ་དང་
D44.037.0181a03.01འདྲ་བའི་རིམ་གྲོ་བྱེད་ཅིང་རེ་བ་མེད་པའི་སེམས་བསྐྱེད་པ་ཆོས་རྐུ་བ་དང་བྲལ་བས་ནན་ཏན་དུ་བྱེད་དེ། གཞན་དུ་ན་འདི་ལ་བདག་གིས་དེ་བས་ཀྱང་རིམ་གྲོ་དང་བཀུར་སྟི་རྒྱ་ཆེན་པོ་བསྐྱེད་པར་བྱའོ། །འདི་ལ་ཡོངས་སུ་གཏོང་བ་ཐམས་ཅད་ཀྱང་དབུལ་བར་བྱའོ །
D44.037.0181a04.01སྙམ་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བཞི་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སེམས་ཅན་ཐམས་ཅད་ལས་སྡུག་བསྔལ་གྱི་རྣམ་པ་བཟོད་པར་བྱེད་དེ། ལུས་ལ་གནོད་པ་དང་།
D44.037.0181a05.01སྲོག་ལ་འབབ་པ་ཡང་ཉམས་སུ་ལེན་ཅིང་གཤེ་བ་དང་། མི་སྙན་དུ་ཟེར་བ་དང་སྡིག་པ་དང་། སྨོད་པ་དང་ཁྱད་དུ་གསོད་པ་ཐམས་ཅད་ཀྱང་བཟོད་པར་བྱེད་དེ། དེའི་རྒྱུས་ཉམས་པར་མི་འགྱུར་འཁྲུག་པར་མི་འགྱུར། འཁྲུག་པ་དང་རྣམ་པར་འཁྲུག་པར་མི་
D44.037.0181a06.01བྱེད་དེ། དེའི་རྒྱུས་སེམས་ཅན་རྣམས་ལ་སྙིང་རྗེ་ཆེན་པོའི་གོ་བགོས་པ་ཡང་ཡོངས་སུ་མི་འདོར་རྒྱུན་མི་གཅོད་ཅིང་དེ་བས་ཀྱང་ཤས་ཆེར་སྙིང་རྗེ་ཆེན་པོ་རྣམ་པར་འཕེལ་བར་བྱེད་དོ། །རྒྱུན་མི་གཅོད་དོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་ནི་
D44.037.0181a07.01