完整藏文原文 · 德格版页 当前仅加载第 37 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲོས་པ་མི་མངའ་འོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་བདུན་པ་འདིས་ཀྱང་དེ་བཞིན་གཤེགས་པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་
D44.037.0096a01.01འདི་ལྟ་སྟེ་དཔེར་ན། སྨན་པའི་རྒྱལ་པོ་ཆེན་པོ་སྨན་གྱི་ཡོ་བྱད་དང་། ཆོ་ག་ལ་ཤིན་ཏུ་མཁས་པ་གཙུག་ལག་དང་། སྔགས་ཐམས་ཅད་ཀྱི་ཚུལ་ཤེས་པ་ཞིག་ཡོད་ལ། འཛམ་བུའི་གླིང་གི་སྨན་ཐམས་ཅད་དེའི་དབང་དུ་གྱུར་ཏེ། སྨན་པའི་རྒྱལ་པོ་
D44.037.0096a02.01ཆེན་པོ་དེའི་སྔོན་གྱི་དགེ་བའི་རྩ་བའི་སྟོབས་ཀྱི་ཤུགས་དང་། སྔགས་དང་རིག་སྔགས་ཀྱི་མཐུ་དང་། ཐབས་ཀྱིས་མཐོང་མ་ཐག་ཏུ་སེམས་ཅན་རྣམས་ཀྱི་ནད་ཡོངས་སུ་འཚོ་བར་འགྱུར་ཞིང་ནད་མེད་པར་འགྱུར་བ་ཞིག་ཡོད་དེ། དེ་ནས་སྨན་པའི་རྒྱལ་པོ་དེ་
D44.037.0096a03.01འཆི་བའི་དུས་ལ་བབ་པར་གྱུར་ནས། དེ་འདི་སྙམ་དུ་སེམས་པར་གྱུར་ཏེ། ཀྱེ་ཧུད་སེམས་ཅན་འདི་དག་བདག་ཤི་བ་དང་། མགོན་མེད་པར་འགྱུར་གྱིས། བདག་གི་ཐབས་མཁས་པའི་སྟོབས་ཀྱིས། སྨན་ཐམས་ཅད་ཡོངས་སུ་བསྡུས་ཏེ།
D44.037.0096a04.01བདག་གི་ལུས་ལ་བསྐུའོ། །སྔགས་དང་རིག་སྔགས་ཀྱི་སྟོབས་དང་བྱིན་གྱི་རླབས་ཀྱིས་ཀྱང་བདག་གི་ལུས་བྱིན་གྱིས་བརླབས་ཏེ། ཅི་ནས་ཀྱང་བདག་ཤི་ནས་ལུས་མི་འཇིག་པ་དང་། མི་སྐམ་པ་དང་། མི་ཉམས་ཤིང་འགྲོ་བ་དང་འོང་བ་དང་།
D44.037.0096a05.01འདུག་པས་ཀྱང་སྤྱོད་པ་དང་། ནད་ཐམས་ཅད་སོས་པར་བྱ་བའི་ཕྱིར་སྨན་པའི་ལས་སུ་བྱ་བ་ཐམས་ཅད་ཀྱང་སྤྱོད་ཅིང་། བལྟ་བ་དང་མཉན་པའི་དོན་སྤྱོད་པས་ཀྱང་སྔོན་ཇི་ལྟ་བ་བཞིན་དུ། ཕྱི་ནས་ཀྱང་གནས་པར་བྱའོ། །སྙམ་དུ་སེམས་པ་ཞིག་ཡོད་ན།
D44.037.0096a06.01ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་པའི་རྒྱལ་པོ་ཆེན་པོ་བླ་ན་མེད་པ་ཉོན་མོངས་པའི་ནད་ཐམས་ཅད་རབ་ཏུ་ཞི་བར་མཛད་པ་ལ་མཁས་པ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོར་ཀུན་
D44.037.0096a07.01