完整藏文原文 · 德格版页 当前仅加载第 37 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཀླུའི་རྒྱལ་པོ་མ་དྲོས་པ་ནི་འཛམ་བུའི་གླིང་ཐམས་ཅད་སྤྲིན་ཆེན་པོས་རྒྱས་ཤིང་ཁྱབ་པར་བྱས་ཏེ། འདི་ལྟར་ལོ་ཐོག་སྐྱེད་པ་དང་། རྩྭ་དང་གེལ་པ་དང་། རྩི་དང་ནགས་
D44.037.0103b01.01ཚལ་སྣ་ཚོགས་རྣམ་པར་སྤེལ་བ་དང་། རྣང་དང་ལུ་མ་དང་མཚོ་དང་མཚེའུ་དང་རྫིང་བུ་ཡོངས་སུ་དགང་བའི་ཕྱིར་ཆར་ཆེན་པོ་འབེབས་ཀྱང་། ཆར་དེ་ནི་ཀླུའི་རྒྱལ་པོ་མ་དྲོས་པའི་ལུས་ལས་བྱུང་བ་མ་ཡིན། །སེམས་ལས་བྱུང་བ་མ་ཡིན་ཏེ། སེམས་ཅན་རྣམས་
D44.037.0103b02.01ལ་ཡང་རྣམ་པ་ཚད་མེད་པས་ཉེ་བར་འཚོ་བའི་རྒྱུར་འགྱུར་རོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། འཇིག་རྟེན་གྱི་ཁམས་མ་ལུས་པ་ཐམས་ཅད་ཐུགས་རྗེ་ཆེན་པོའི་སྤྲིན་གྱིས་
D44.037.0103b03.01རྒྱས་པར་བཀང་སྟེ། སེམས་ཅན་ཐམས་ཅད་ཀྱི་བསམ་པ་ཡོངས་སུ་ཚིམ་པར་བྱ་བ་དང་། དགེ་བའི་རྩ་བ་ཐམས་ཅད་ཤིན་ཏུ་བསྐྱེད་པ་དང་། ཐེག་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཆོས་ཀྱི་སྤྲིན་ཆེན་པོའི་ཆར་བདུད་རྩིའི་རོ་དང་ལྡན་པ་
D44.037.0103b04.01འབེབས་ཏེ། དེ་བཞིན་གཤེགས་པའི་གསུང་དེ་ཡང་ནང་ནས་བྱུང་བ་མ་ཡིན། ཕྱི་རོལ་ནས་བྱུང་བ་ཡང་མ་ཡིན་མོད་ཀྱི། དེ་ལྟར་ཚད་མེད་པའི་སེམས་ཅན་རྣམས་ཀྱང་ཉེ་བར་འཚོ་བའི་རྒྱུར་འགྱུར་རོ། །ཀྱེ་རྒྱལ་བའི་
D44.037.0103b05.01སྲས་ཁོང་དུ་ཆུད་པར་བྱ་བའི་སྒོ་བདུན་པ་འདིས་ཀྱང་། དེ་བཞིན་གཤེགས་པའི་གསུང་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། ཀླུའི་རྒྱལ་པོ་ཡིད་དུ་འོང་བ་ནི་ནམ་ཆར་ཆེན་པོ་དབབ་པར་
D44.037.0103b06.01འདོད་པ་དེའི་ཚེ་ནམ་མཁའ་ཐམས་ཅད་སྤྲིན་གྱི་དྲ་བས་ཡོག་པར་བྱེད་དེ། ཞག་བདུན་དུ་སྤྲིན་ཆེན་པོ་ཀུན་ནས་སྡུད་དོ། །སེམས་ཅན་གྱི་ལས་ཀྱི་མཐའ་རྣམས་ཡོངས་སུ་མ་ཟིན་གྱི་བར་དུ་ཆར་གྱི་རྒྱུན་ཀྱང་ཀུན་ཏུ་གཏོང་བར་མི་བྱེད། །དེ་ཅིའི་ཕྱིར་
D44.037.0103b07.01