完整藏文原文 · 德格版页 当前仅加载第 37 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མོས་པ་ཡོངས་སུ་འཛིན་པ་ཞེས་བྱ་བའི་ཏིང་ངེ་འཛིན་གྱི་འབྲུག་གི་སྒྲ་དབྱངས་སྒྲོག་སྟེ། ཀྱེ་རྒྱལ་བའི་སྲས་དེ་ལྟར་དེ་དག་ལ་{སྩོགས་,སོགས་}པ་དེ་བཞིན་གཤེགས་པའི་ཆོས་ཀྱི་སྐུའི་སྤྲིན་ལས་དེ་དག་ལ་{སྩོགས་,སོགས་}པ་ཏིང་ངེ་འཛིན་རྣམ་པ་ཐ་དད་པའི་སྒོའི་འབྲུག་ཆེན་པོའི་སྒྲ་
D44.037.0107b01.01དབྱངས་ཆོས་མཉན་པའི་སྔོན་གྱི་ལྟས་འགྲོ་བ་ཐམས་ཅད་ཤིན་ཏུ་ཚིམ་པར་བྱེད་པ་རབ་ཏུ་སྒྲོག་གོ །ཀྱེ་རྒྱལ་བའི་སྲས་དེ་བཞིན་གཤེགས་པའི་ཆོས་ཀྱི་སྐུའི་སྤྲིན་རྣམ་པ་དེ་ལྟ་བུ་བྱུང་བ་དང་། འོད་ཟེར་གྱི་གློག་གི་ཕྲེང་བ་བཀྱེ་སྟེ། ཏིང་ངེ་འཛིན་གྱི་འབྲུག་སྒྲ་འགྲོ་
D44.037.0107b02.01བ་ཐམས་ཅད་ཚིམ་པར་བྱེད་པ་ཤིན་ཏུ་བསྒྲགས་པའི་ཚེ། དེ་བཞིན་གཤེགས་པའི་ཆོས་ཀྱི་སྐུའི་སྤྲིན་སྔོན་བྱམས་པ་ཆེན་པོ་དང་། ཐུགས་རྗེ་ཆེན་པོ་བསྒྲིབས་པ་མེད་པས། མངོན་པར་བསྒྲུབས་པ་ལས་ཡེ་ཤེས་ཆེན་པོའི་དཀྱིལ་འཁོར་གྱི་རླུང་འབྱུང་བ་
D44.037.0107b03.01ཡོད་དེ། དེ་ནི་ཐོག་མར་སེམས་ཅན་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱི་སེམས་དང་ལུས་སིམ་པར་བྱེད་དོ། །དེའི་འོག་ཏུ་ཆོས་ཀྱི་སྤྲིན་གྱི་ཆར་ཆེན་པོ་འབེབས་སོ། །ཀྱེ་རྒྱལ་བའི་སྲས་ཆོས་ཀྱི་སྐུའི་སྤྲིན་ཆེན་པོ་བསམ་གྱིས་མི་
D44.037.0107b04.01ཁྱབ་པ་ཐུགས་རྗེ་ཆེན་པོ་ལས་བྱུང་བ་བསྡུས་ཤིང་། སེམས་ཅན་ལུས་དང་སེམས་སིམ་པར་གྱུར་པ་རྣམས་ལ་དེ་བཞིན་གཤེགས་པ་ཆོས་ཀྱི་ཆར་ཆེན་པོ་བསམ་གྱིས་མི་ཁྱབ་པ་འབེབས་ཏེ། འདི་ལྟར་བྱང་ཆུབ་སེམས་དཔའ་སྙིང་པོ་བྱང་ཆུབ་ཀྱི་མཆོག་
D44.037.0107b05.01ཏུ་ཕྱིན་པ་རྣམས་ལ་ཆོས་ཀྱི་དབྱིངས་ཐ་མི་དད་པ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །བྱང་ཆུབ་སེམས་དཔའ་སྲིད་པ་ཐ་མ་པ་རྣམས་ལ་དེ་བཞིན་གཤེགས་པའི་གསང་བ། བྱང་ཆུབ་སེམས་དཔའི་ཐབས་ཀྱི་རྣམ་པར་རོལ་
D44.037.0107b06.01པ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །བྱང་ཆུབ་སེམས་དཔའ་དབང་བསྐུར་བ་ཐོབ་པ་རྣམས་ལ་དེ་བཞིན་གཤེགས་པའི་རྒྱན་གྱིས་རྣམ་པར་ཀླུབས་པ་ཞེས་བྱ་བའི་ཆོས་ཀྱི་སྤྲིན་ཆེན་པོའི་ཆར་རབ་ཏུ་འབེབས་སོ། །བྱང་ཆུབ་སེམས་
D44.037.0107b07.01