完整藏文原文 · 德格版页 当前仅加载第 37 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་འཇུག་པ་དང་། སེམས་ཅན་ཐམས་ཅད་ཀྱི་དུས་དང་དུས་མ་ཡིན་པར་ཡོངས་སུ་སྨྱིན་པར་བྱ་བ་དང་། རྣམ་པར་འདུལ་བའི་སྤྱོད་པ་ལ་འཇུག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཅན་གྱི་བསམ་པ་དང་སྤྱོད་པ་
D44.037.0151b01.01ལ་འཇུག་པ་སྟེ། དེ་དག་གིས་བྱང་ཆུབ་སེམས་དཔའ་རྣམས་སེམས་ཅན་གྱི་བསམ་པ་དང་སྤྱོད་པ་ལ་འཇུག་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་འཇིག་རྟེན་གྱི་ཁམས་ལ་འཇུག་པ་སྟེ། བཅུ་གང་
D44.037.0151b02.01ཞེ་ན་འདི་ལྟར་འཇིག་རྟེན་གྱི་ཁམས་རྣམས་ལ་ཀུན་ནས་ཉོན་མོངས་པར་འཇུག་པ་དང་། འཇིག་རྟེན་གྱི་ཁམས་རྣམས་ལ་རྣམ་པར་དག་པར་འཇུག་པ་དང་། འཇིག་རྟེན་གྱི་ཁམས་རྣམས་ལ་ཆུང་ངུར་འཇུག་པ་དང་། འཇིག་རྟེན་གྱི་ཁམས་རྣམས་ལ་ཆེན་
D44.037.0151b03.01པོར་འཇུག་པ་དང་འཇིག་རྟེན་གྱི་ཁམས་རྣམས་ལ་རྡུལ་ཤིན་ཏུ་ཕྲ་མོར་ཆུད་པར་འཇུག་པ་དང་། འཇིག་རྟེན་གྱི་ཁམས་རྣམས་ལ་རབ་ཏུ་ཕྲ་བར་འཇུག་པ་དང་། འཇིག་རྟེན་གྱི་ཁམས་རྣམས་ལ་ཡངས་པར་འཇུག་པ་དང་། འཇིག་རྟེན་གྱི་ཁམས་རྣམས་ལ་
D44.037.0151b04.01འབྱུང་བར་འཇུག་པ་དང་། འཇིག་རྟེན་གྱི་ཁམས་རྣམས་ལ་སངས་རྒྱས་དང་བཅས་པར་འཇུག་པ་དང་། འཇིག་རྟེན་གྱི་ཁམས་རྣམས་ལ་སངས་རྒྱས་མེད་པར་འཇུག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་
D44.037.0151b05.01འཇིག་རྟེན་གྱི་ཁམས་ལ་འཇུག་པ་སྟེ། དེ་དག་གིས་ནི་བྱང་ཆུབ་སེམས་དཔའ་རྣམས་འཇིག་རྟེན་གྱི་ཁམས་ཐམས་ཅད་ལ་འཇུག་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བསྐལ་པ་ལ་འཇུག་པ་
D44.037.0151b06.01སྟེ། དེ་དག་གིས་བྱང་ཆུབ་སེམས་དཔའ་རྣམས་བསྐལ་པ་ཐམས་ཅད་ལ་རབ་ཏུ་འཇུག་གོ །བཅུ་གང་ཞེ་ན་འདི་ལྟར་འདས་པའི་བསྐལ་པ་ལ་འཇུག་པ་དང་། མ་འོངས་པའི་བསྐལ་པ་ལ་འཇུག་པ་དང་། ད་ལྟར་བྱུང་བའི་བསྐལ་པ་ལ་འཇུག་
D44.037.0151b07.01