完整藏文原文 · 德格版页 当前仅加载第 37 函德格 376a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དང་ལྡན་པ། སྨོན་ལམ་ཆེན་པོ་མངོན་པར་བསྒྲུབ་པའི་ཤུགས་དྲག་པོ་རབ་ཏུ་འཕེལ་བའི་སེམས་དང་ལྡན་པ་ཆོས་ཐམས་ཅད་ཀྱི་ཕྱོགས་ལ་མངོན་དུ་ལྟ་བའི་སེམས་དང་ལྡན་པ། ཆོས་ཀྱི་རང་བཞིན་གྱི་འོད་ཀྱིས་སྣང་བར་བྱས་པའི་
D44.037.0376a01.01སེམས་དང་ལྡན་པ། སྒྲིབ་པ་ཐམས་ཅད་རྣམ་པར་འཐོར་བའི་སེམས་དང་ལྡན་པ། ཆོས་ཀྱི་དབྱིངས་ལ་མུན་པ་མེད་པར་རྣམ་པར་ལྟ་བའི་སེམས་དང་ལྡན་པ། རྡོ་རྗེ་རིན་པོ་ཆེ་མཐུ་བོ་ཆེས་{མྱི་,མི་}ཆོམས་པ་ལྟར་དྲི་མ་མེད་པའི་སེམས་དང་ལྡན་པ།
D44.037.0376a02.01བདུད་ཐམས་ཅད་ཀྱི་དཔུང་གིས་བརྒལ་བར་དཀའ་ཞིང་ཐུབ་པར་དཀའ་བའི་སེམས་དང་ལྡན་པ་དེ་མཐར་གྱིས་ཡུལ་ཆུ་བ་གཙང་མ་ག་ལ་བ་དེར་ཕྱིན་ནས། དྲང་སྲོང་འཇིགས་མཆོག་དབྱངས་ཚོལ་ཚོལ་བ་ལས། དེའི་ཚེ་དྲང་སྲོང་འཇིགས་
D44.037.0376a03.01མཆོག་དབྱངས་དགེ་བ་སྦྱང་བའི་གནས་ཤིང་དང་། ཤིང་ཕྲན་སྣ་ཚོགས་གྲངས་མེད་པའི་ནགས་ཚལ་མདངས་དགའ་བ། ལོ་མས་རྒྱས་པའི་ཤིང་གིས་ཀུན་ནས་འགྲིགས་པ། རྟག་ཏུ་མེ་ཏོག་རྒྱས་པ་དང་ལྡན་པའི་ཤིང་སྣ་ཚོགས་ཅན། རྟག་ཏུ་
D44.037.0376a04.01ཤིང་ཏོག་མང་པོ་དང་ལྡན་པའི་ཤིང་ཏོག་གི་ཤིང་དང་ལྡན་པ། ནོར་བུ་རིན་པོ་ཆེ་སྣ་ཚོགས་ཀྱི་ཤིང་དྲུང་ནོར་བུ་རིན་པོ་ཆེའི་སྤང་ལེབ་ཀྱིས་རྟག་ཏུ་གཤིབས་པ་དང་ལྡན་པ། ཙན་དན་དམ་པའི་ཤིང་ཀུན་ནས་རྣམ་པར་བྲེས་པ། ཨ་གུ་རུ་ཡིད་དུ་འོང་བའི་ཤིང་
D44.037.0376a05.01ལས་སྤོས་ཀྱི་དྲི་རྟག་ཏུ་འབྱུང་བས་རབ་ཏུ་བརྒྱན་པ། ཕྱོགས་བཞི་ནས་ཤིང་བ་ཏ་ལ་རྣམ་པར་མཛེས་པར་སྐྱེས་པས་ཡོངས་སུ་བརྒྱན་པ། ནྱ་གྲོ་དའི་ཤིང་དབྱིབས་ཡིད་དུ་འོང་བ་དང་ལྡན་པ། འཛམ་བུའི་ཤིང་ལས་རྟག་ཏུ་ཤིང་ཏོག་སྨིན་པ་འབྲུལ་བ།
D44.037.0376a06.01མེ་ཏོག་གི་ཚལ་པདྨོ་དང་ཨུཏ་པ་ལ་གསར་དུ་སྐྱེས་པས་རབ་ཏུ་བརྒྱན་པ་ཞིག་ན་འདུག་འདུག་སྟེ། ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}དྲང་སྲོང་འཇིགས་མཆོག་དབྱངས་དྲང་སྲོང་སྟོང་ཕྲག་བཅུས་བསྐོར་ཅིང་། ཙན་དན་གྱི་ཡལ་ག་ཤིན་ཏུ་འབྲེལ་བའི་
D44.037.0376a07.01