完整藏文原文 · 德格版页 当前仅加载第 37 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོར་བྱ་བའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །དེ་བཞིན་གཤེགས་པ་ཐམས་ཅད་མཉེས་པར་བྱ་བའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སངས་རྒྱས་ཐམས་ཅད་ནི་སྐུ་གཟུགས་དང་མཚན་དང་དཔེ་བྱད་བཟང་པོ་ཡོངས་སུ་བསྟན་པའི་རྐྱེན་ནི་བྱང་ཆུབ་
D44.037.0155b01.01ཀྱི་སེམས་ཀྱི་རྐྱེན་ཏོ། །སངས་རྒྱས་ཐམས་ཅད་ཀྱི་ཡེ་ཤེས་ལ་འཇུག་ཅིང་ཁོང་དུ་ཆུད་པར་བྱེད་པའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །སངས་རྒྱས་ཀྱི་སྟོབས་དང་མི་བསྙེངས་པ་ཐམས་ཅད་ཡོངས་སུ་བསྟན་པའི་རྐྱེན་ནི་བྱང་ཆུབ་ཀྱི་སེམས་ཀྱི་རྐྱེན་ཏོ། །
D44.037.0155b02.01ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་སེམས་ཀྱི་རྐྱེན་ཏེ། རྐྱེན་དེ་དག་གིས་བྱང་ཆུབ་ཀྱི་སེམས་ཡང་དག་པར་སྐྱེ་བར་འགྱུར་བ་དག་གོ །ཀྱེ་རྒྱལ་བའི་སྲས་བྱང་ཆུབ་སེམས་དཔའ་གང་གིས་བླ་ན་མེད་པ་
D44.037.0155b03.01ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེས་ཀྱང་ཐམས་ཅད་མཁྱེན་པའི་ཡེ་ཤེས་མངོན་པར་འཚང་རྒྱ་བར་བྱ་བའི་ཕྱིར་དགེ་བའི་བཤེས་གཉེན་རྣམས་ལ་རིམ་གྲོ་དང་བཀུར་སྟི་དང་བསྙེན་བཀུར་བྱའོ། །དེ་དགེ་བའི་བཤེས་གཉེན་རྣམས་ལ་རིམ་
D44.037.0155b04.01གྲོ་དང་། བཀུར་སྟི་དང་། བསྙེན་བཀུར་བྱེད་པའི་ཚེ། དགེ་བའི་བཤེས་གཉེན་རྣམས་ལ་སེམས་བསྐྱེད་པ་བཅུ་པོ་འདི་དག་བསྐྱེད་པར་བྱ་སྟེ། བཅུ་གང་ཞེ་ན་འདི་ལྟར་རིམ་གྲོ་བྱ་བའི་སེམས་དང་། དགའ་བར་བྱ་བའི་སེམས་དང་ཇི་སྐད་བསྒོ་བ་བཞིན་དུ་ནན་ཏན་
D44.037.0155b05.01ཏུ་བྱ་བའི་སེམས་དང་ཡིད་མི་འབྱུང་བའི་སེམས་དང་། ཇི་སྙམ་ཡང་མི་བྱེད་པའི་སེམས་དང་། གཅིག་ཏུ་ངེས་པའི་སེམས་དང་། དགེ་བའི་རྩ་བ་ཐམས་ཅད་ལ་རྒྱུད་ཀྱི་ཚུལ་གཅིག་ཏུ་གྱུར་པའི་སེམས་དང་། སྨོན་ལམ་གཅིག་པའི་སེམས་དང་། སྟོན་
D44.037.0155b06.01པའི་སེམས་དང་། སྤྱོད་པ་མཚུངས་པར་ཡོངས་སུ་རྫོགས་པར་བྱ་བའི་སེམས་ཏེ། ཀྱེ་རྒྱལ་བའི་སྲས་བཅུ་པོ་དེ་དག་ནི་དགེ་བའི་བཤེས་གཉེན་རྣམས་ལ་སེམས་བསྐྱེད་པ་རྣམས་སོ། །དེ་སེམས་བསྐྱེད་པ་བཅུ་པོ་འདི་དག་བསྐྱེད་པའི་ཚེ་ཡོངས་སུ་དག་
D44.037.0155b07.01