完整藏文原文 · 德格版页 当前仅加载第 37 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བསམ་གཏན་ཡོངས་སུ་དག་པ་སྟེ། བཅུ་གང་ཞེ་ན་འདི་ལྟར་ཡོངས་སུ་བཟུང་བ་ཐམས་ཅད་ལས་འབྱུང་བའི་ཕྱིར་རྟག་ཏུ་རྒྱུན་{མྱི་,མི་}འཆད་པར་རབ་ཏུ་འབྱུང་བས་མངོན་པར་འབྱུང་བའི་
D44.037.0238a01.01སེམས་ཀྱི་བསམ་གཏན་ཡོངས་སུ་དག་པ་དང་། ལམ་བསྟན་པའི་ཕྱིར་དགེ་བའི་བཤེས་གཉེན་ཚུལ་དང་འདྲ་བ་རྙེད་པའི་བསམ་གཏན་ཡོངས་སུ་དག་པ་དང་། བདག་གི་{མྱེད་,མེད་}ཅིང་ཡོངས་སུ་འཛིན་པ་{མྱེད་,མེད་}པའི་ཕྱིར་བས་མཐའ་དགོན་པའི་གནས་དང་། ནགས་
D44.037.0238a02.01ཚལ་ན་གནས་པའི་བསམ་གཏན་ཡོངས་སུ་དག་པ་དང་། དབེན་པ་ལ་མོས་པས་དགའ་བའི་ཕྱིར་འདུ་འཛི་སྤོང་ཞིང་སེམས་ཅན་མི་གཏོང་བའི་བསམ་གཏན་ཡོངས་སུ་དག་པ་དང་། དབང་པོའི་སྒོ་བསྡམ་པའི་ཕྱིར། སེམས་དུལ་ཞིང་ལས་སུ་རུང་བའི་བསམ་
D44.037.0238a03.01གཏན་ཡོངས་སུ་དག་པ་དང་། སྒྲའི་ཚེར་མ་ཐམས་ཅད་ཀྱིས་བསམ་གཏན་ལ་བསྒྲིབས་པ་མེད་པའི་ཕྱིར་རང་གི་ཡེ་ཤེས་ཉེ་བར་ཞི་བའི་བསམ་གཏན་ཡོངས་སུ་དག་པ་དང་། རབ་ཏུ་དབྱེ་བ་ཐམས་ཅད་མངོན་སུམ་དུ་ཤེས་པས་ལམ་དང་། བྱང་ཆུབ་ཀྱི་ཡན་ལག་
D44.037.0238a04.01ལ་སྦྱོར་བའི་བསམ་གཏན་ཡོངས་སུ་དག་པ་དང་། ད་དུང་འདོད་པའི་ཁམས་སུ་{དམྱིགས་,དམིགས་}པའི་ཕྱིར་བསམ་གཏན་གྱི་རོ་མི་མྱོང་བའི་ཐབས་ལས་རྣམ་པར་མི་ལྡོག་པའི་བསམ་གཏན་ཡོངས་སུ་དག་པ་དང་། སེམས་ཅན་ཐམས་ཅད་ཀྱི་དབང་པོ་རྗེས་སུ་རྟོགས་པར་བྱ་བའི་
D44.037.0238a05.01ཕྱིར་མངོན་པར་ཤེས་པ་དང་། རིག་པ་བསྐྱེད་པའི་བསམ་གཏན་ཡོངས་སུ་དག་པ་དང་། སངས་རྒྱས་ཀྱི་ཏིང་ངེ་འཛིན་བདག་གིར་བྱ་བ་མེད་པ་དང་ལྡན་པའི་ཕྱིར་མངོན་པར་འདུ་མི་བྱེད་པ་ལ་མངོན་པར་ཕྱོགས་ཤིང་རྣམ་པར་རྩེ་བའི་བསམ་གཏན་ཡོངས་སུ་དག་པའོ། །
D44.037.0238a06.01ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བསམ་གཏན་ཡོངས་སུ་དག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་བསམ་གཏན་ཡོངས་སུ་དག་པ་བླ་ན་མེད་པ་འཐོབ་པར་འགྱུར་བ་དག་གོ །
D44.037.0238a07.01