完整藏文原文 · 德格版页 当前仅加载第 37 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན་པའི་རྩི་ལ་བརྩོན་འགྲུས་ཤིན་ཏུ་མཛད་པ། ཤེས་རབ་ཀྱི་ཕ་རོལ་ཏུ་ཕྱིན་པའི་ཐབས་མཁས་པ་དང་། སྔགས་དང་རིག་སྔགས་ལ་ཤིན་ཏུ་བསླབས་པ། སྟོབས་དང་མི་བསྙེངས་པ་དང་། སངས་རྒྱས་ཀྱི་ཆོས་མ་འདྲེས་པ་ལ་རབ་ཏུ་མཁས་པ།
D44.037.0096b01.01སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བའི་ཚུལ་མཁྱེན་པ། དེ་བཞིན་གཤེགས་པ་ཐམས་ཅད་ཀྱི་མངའ་ཆེན་པོ་བརྙེས་པ་དེས་ཀྱང་། སྔོན་བྱང་ཆུབ་སེམས་དཔའི་སྤྱོད་པ་ལ་ཞུགས་ཤིང་། བསོད་ནམས་དང་ཡེ་ཤེས་ཀྱི་ཚོགས་
D44.037.0096b02.01དང་། ཤེས་རབ་ཀྱི་ཕ་རོལ་ཏུ་ཕྱིན་པའི་ཐབས་མཁས་པའི་སྔགས་དང་། རིག་སྔགས་དང་སྨན་གྱི་མཐུས་ཕྱི་མའི་མཐའི་མུར་ཐུག་པའི་བསྐལ་པར་འགྲོ་བ་ཐམས་ཅད་ཀྱི་ཉོན་མོངས་པའི་ནད་གསོ་བའི་ཕྱིར་སྐུ་ཚེའི་ཚད་བྱིན་གྱིས་བརླབས་པས། དེའི་
D44.037.0096b03.01སྐུ་ཡོངས་སུ་དག་པའི་ཕྱིར་མཐོང་མ་ཐག་ཏུ་ཆེད་དུ་མི་མཛད་ཅིང་། ལྷུན་གྱིས་གྲུབ་པར་སེམས་ཅན་རྣམས་ཀྱི་ཉོན་མོངས་པའི་ནད་ཐམས་ཅད་རབ་ཏུ་ཞི་བར་འགྱུར་ཏེ། སངས་རྒྱས་ཀྱི་ཕྲིན་ལས་ཐམས་ཅད་ཀྱང་རྒྱུན་མི་འཆད་པར་འབྱུང་ངོ་། །ཀྱེ་རྒྱལ་
D44.037.0096b04.01བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་ཁོང་དུ་ཆུད་པར་བྱ་བའི་སྒོ་བརྒྱད་པ་འདིས་ཀྱང་། དེ་བཞིན་གཤེགས་པའི་སྐུ་བལྟར་ཡོད་པར་ཤེས་པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རྒྱ་མཚོ་ཆེན་པོའི་ནང་ན་ནོར་བུ་
D44.037.0096b05.01རིན་པོ་ཆེ་ཆེན་པོ་འོད་ཐམས་ཅད་འདུས་པས་རྣམ་པར་སྣང་བའི་སྙིང་པོ་ཞེས་བྱ་བ་ཡོད་དེ། ཀྱེ་རྒྱལ་བའི་སྲས་ནོར་བུ་རིན་པོ་ཆེ་ཆེན་པོ་དེའི་འོད་ཀྱིས་སེམས་ཅན་གང་ལ་བབ་པ་དེ་དག་ཐམས་ཅད་ཀྱང་འདི་ལྟ་སྟེ། ནོར་བུ་རིན་པོ་ཆེའི་འོད་ཐམས་ཅད་འདུས་པས་
D44.037.0096b06.01རྣམ་པར་སྣང་བའི་སྙིང་པོའི་ཁ་དོག་ཏུ་ཁ་དོག་གཅིག་པར་འགྱུར་རོ། །གང་གིས་ནོར་བུ་རིན་པོ་ཆེ་དེ་མཐོང་བར་གྱུར་པ་དེ་དག་གི་མིག་ཀྱང་ཡོངས་སུ་དག་པར་འགྱུར་རོ། །ནོར་བུ་རིན་པོ་ཆེ་དེའི་འོད་ཀྱི་དཀྱིལ་འཁོར་གྱིས་ཇི་ཙམ་དུ་ཁྱབ་པར་གྱུར་པ་དེ་ཙམ་དུ་འོད་ཀྱི་དཀྱིལ་
D44.037.0096b07.01