完整藏文原文 · 德格版页 当前仅加载第 37 函德格 337b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་བརྗོད་པ་ནུས་རེ་སྐན། །སོང་རིགས་ཀྱི་བུ་ལྷོ་ཕྱོགས་ཀྱི་རྒྱུད་འདི་ཉིད་ན། དྲ་བྱི་ལའི་གྲོང་རྡལ་རྡོ་རྗེའི་གྲོང་ཁྱེར་ཅན་བྱ་བ་ཡོད་དེ། དེ་ན་དྲ་བྱི་ལའི་སྤྲིན་ཅེས་བྱ་བ་འདུག་གིས་དེའི་གན་དུ་སོང་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་
D44.037.0337b01.01པ་ལ་བསླབ་པར་བྱ་བ་དང་། ཇི་ལྟར་ནན་ཏན་དུ་བྱ་བ་དྲིས་ཤིག །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}དགེ་སློང་རབ་ཏུ་བརྟན་པའི་རྐང་པ་གཉིས་ལ་སྤྱི་བོས་ཕྱག་འཚལ་ནས། ལན་བརྒྱ་སྟོང་དུ་མར་གཡས་ཕྱོགས་སུ་བསྐོར་བ་བྱས་ཏེ། ཡང་དང་
D44.037.0337b02.01ཡང་བལྟས་ནས་དགེ་སློང་ཤིན་ཏུ་བརྟན་པའི་དྲུང་ནས་སོང་ངོ་། །དེ་ནས་ཚོང་དཔོན་གྱི་བུ་ནོར་{བཟངས་,བཟང་}ཆོས་ཀྱི་དད་པའི་ཤུགས་དང་། བྱིན་གྱིས་ནོན་པ། སངས་རྒྱས་ཡིད་ལ་བྱ་བའི་འདུ་ཤེས་དང་ལྡན་པ། དཀོན་མཆོག་གསུམ་གྱི་གདུང་མི་གཅད་པ་
D44.037.0337b03.01ལ་རབ་ཏུ་བརྩོན་པ། དུས་གསུམ་སྣང་བས་སེམས་སྣང་བར་གྱུར་པ་སྨོན་ལམ་ཆེན་པོ་ཡིད་ལ་བྱེད་པ་དང་ལྡན་པ་སེམས་ཅན་གྱི་ཁམས་ཐམས་ཅད་ཡོངས་སུ་བསྐྱབ་པའི་ཐབས་ལ་ཞུགས་པ། འདུས་བྱས་ཀྱི་དགེ་བ་ཐམས་ཅད་ལ་མི་གནས་པའི་
D44.037.0337b04.01སེམས་དང་ལྡན་པ། ཆོས་ཐམས་ཅད་ཀྱི་རང་བཞིན་ངེས་པར་རྟོགས་པར་བྱ་བ་ལ་བརྩོན་པ། འཇིག་རྟེན་གྱི་ཁམས་ཐམས་ཅད་ཡོངས་སུ་སྦྱང་བའི་སྨོན་ལམ་ལས་མི་གཡོ་བ། སངས་རྒྱས་ཐམས་ཅད་ཀྱི་འཁོར་གྱི་དཀྱིལ་འཁོར་ན་གནས་
D44.037.0337b05.01པ་མེད་པར་གནས་པ་ཆོས་ཀྱི་སྣང་བ་དེ་རྗེས་སུ་དྲན་པར་བྱ་བ་དང་། དགེ་བའི་བཤེས་གཉེན་རྗེས་སུ་དྲན་པར་བྱ་བ་དང་། འདོད་ཆགས་དང་བྲལ་བའི་རིགས་ཡོངས་སུ་བརྗོད་པ་བྱེད་ཅིང་། མཐར་གྱིས་དྲ་བྱི་ལའི་གྲོང་རྡལ་རྡོ་རྗེའི་གྲོང་ཁྱེར་དུ་ཕྱིན་ནས།
D44.037.0337b06.01དྲ་བྱི་ལའི་སྤྲིན་ཡོངས་སུ་ཚོལ་ཚོལ་བ་ལས། གྲོང་ཁྱེར་གྱི་ཁྱམས་ཤིག་ན་ཆོས་བསྟན་པའི་དོན་དུ་སེང་གེའི་ཁྲིལ་འདུག་ཅིང་། སྲོག་ཆགས་སྟོང་ཕྲག་བཅུ་ཙམ་ཞིག་ལ་ཆོས་ཀྱི་རྣམ་གྲངས་ཡི་གེའི་འཁོར་ལོའི་རྒྱུད་ཀྱི་རྒྱན་ཅེས་བྱ་བ་ཡོངས་སུ་
D44.037.0337b07.01