完整藏文原文 · 德格版页 当前仅加载第 37 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཕུན་སུམ་ཚོགས་ཤིང་ཡང་དག་པའི་ལྟ་བ་ལ་ཞུགས་པ་ཡིན་ཏེ། ཀྱེ་རྒྱལ་བའི་སྲས་དེ་ལྟར་ལུས་དང་ངག་དང་ཡིད་ཀྱི་ལས་ཡེ་ཤེས་སྔོན་དུ་འགྲོ་བ་དང་ལྡན་པ་འདི་ནི་བྱང་ཆུབ་སེམས་དཔའ་རྣམས་ཀྱི་ཆོས་མ་འདྲེས་པ་སྟེ། འདི་ནི་བྱང་ཆུབ་སེམས་དཔའི་ཆོས་
D44.037.0208b01.01མ་འདྲེས་པ་དྲུག་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སྙིང་རྗེ་ཆེན་པོ་དང་ལྡན་པས་སེམས་ཅན་ཐམས་ཅད་ཡོངས་སུ་མི་གཏོང་ཞིང་སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་རང་གི་ལུས་ཀྱིས་ལེན་པར་མཁས་པས། སེམས་ཅན་དམྱལ་བ་
D44.037.0208b02.01དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་གྱི་སྡུག་བསྔལ་གྱིས་སེམས་ཅན་གྱི་དོན་དུ་ཡོངས་སུ་སྐྱོ་བ་མེད་པའི་སེམས་དང་ལྡན་ཞིང་སེམས་ཅན་གྱི་ཁམས་ཐམས་ཅད་དགྲོལ་བ་ལ་ཞུགས་པ། འདོད་པའི་དགའ་བ་ཐམས་ཅད་ཀྱིས་རྩེ་ཞིང་ཡོངས་སུ་
D44.037.0208b03.01ལོངས་སྤྱོད་པ་ལ་ཆགས་པ་མེད་པའི་ཡིད་དང་ལྡན་པས་རྟག་ཏུ་སེམས་ཅན་རྣམས་སྡུག་བསྔལ་གྱི་ཕུང་པོ་ལས་དགྲོལ་བ་ལ་མངོན་པར་བརྩོན་པ་སྟེ། ཀྱེ་རྒྱལ་བའི་སྲས་དེ་ལྟར་སྙིང་རྗེ་ཆེན་པོའི་སྟོབས་ཡོངས་སུ་མི་གཏོང་བ་འདི་ནི་བྱང་ཆུབ་སེམས་དཔའ་རྣམས་ཀྱི་ཆོས་མ་
D44.037.0208b04.01འདྲེས་པ་སྟེ། འདི་ནི་བྱང་ཆུབ་སེམས་དཔའི་ཆོས་མ་འདྲེས་པ་བདུན་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་འགྲོ་བ་ཐམས་ཅད་ཀྱི་ཡིད་དུ་འོང་ཞིང་མཐོང་ན་དགའ་བ་སྟེ། བརྒྱ་བྱིན་དང་ཚངས་པ་དང་། འཇིག་རྟེན་གྱི་མགོན་པོ་ཐམས་ཅད་ཀྱིས་ཕྱག་
D44.037.0208b05.01བྱ་བ། འགྲོ་བ་ཐམས་ཅད་མཐོང་བར་སྨོན་པ། སེམས་ཅན་ཐམས་ཅད་མངོན་པར་དགའ་བའི་སེམས་དང་ལྡན་པ་སྟེ། ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་ནི་བྱང་ཆུབ་སེམས་དཔའ་རྣམས་སྔོན་ནས་ལས་ཀྱི་མཐའ་ཁ་ན་མ་ཐོ་བ་མེད་པ་དང་ལྡན་ཞིང་ཡོངས་སུ་
D44.037.0208b06.01དག་པའི་ལས་ཀྱི་ཚུལ་གྱིས་སྤྱོས་པས། དེའི་ཕྱིར་དེ་དག་མཐོང་བས། འགྲོ་བ་ཐམས་ཅད་མི་ངོམས་པ་ཡིན། ཀྱེ་རྒྱལ་བའི་སྲས་དེ་ལྟར་འགྲོ་བ་ཐམས་ཅད་མཐོང་བར་མངོན་པར་དགའ་བ་དེ་ནི་བྱང་ཆུབ་སེམས་དཔའ་རྣམས་ཀྱི་ཆོས་མ་འདྲེས་པ་སྟེ། འདི་ནི་བྱང་ཆུབ་
D44.037.0208b07.01