完整藏文原文 · 德格版页 当前仅加载第 37 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡོངས་སུ་བསྟན་པའི་ཕྱིར་ཡེ་ཤེས་དང་ཐབས་སུ་ལྡན་པའི་མགོ་དང་། འགྲོ་བ་ཐམས་ཅད་སློབ་པར་བྱ་བའི་ཕྱིར་སེམས་ཅན་ཐམས་ཅད་ཡོངས་སུ་སྨིན་པར་བྱེད་པའི་མགོ་དང་། དཀོན་མཆོག་གསུམ་གྱི་གདུང་རྒྱུན་མི་གཅད་པའི་ཕྱིར་
D44.037.0229a01.01དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཚུལ་ཡོངས་སུ་སྡུད་པའི་མགོའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མགོ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་
D44.037.0229a02.01པོ་སྤྱི་བོར་གྱུར་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མིག་སྟེ། བཅུ་གང་ཞེ་ན། འདི་ལྟར་གཟུགས་ཐམས་ཅད་བལྟ་བའི་ཕྱིར་ཤའི་མིག་དང་། སེམས་ཅན་ཐམས་
D44.037.0229a03.01ཅད་བལྟ་བའི་ཕྱིར་ལྷའི་མིག་དང་། སེམས་ཅན་ཐམས་ཅད་ཀྱི་དབང་པོ་དང་ཡུལ་བལྟ་བའི་ཕྱིར་ཤེས་རབ་ཀྱི་མིག་དང་། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་བལྟ་བའི་ཕྱིར་ཆོས་ཀྱི་མིག་དང་། དེ་བཞིན་གཤེགས་པའི་སྟོབས་བཅུ་བལྟ་བའི་ཕྱིར་སངས་རྒྱས་ཀྱི་མིག་
D44.037.0229a04.01དང་། ཆོས་ཡོངས་སུ་ཤེས་པ་བལྟ་བའི་ཕྱིར་ཡེ་ཤེས་ཀྱི་མིག་དང་། སངས་རྒྱས་ཀྱི་མཐུའི་འོད་སྣང་བ་བལྟ་བའི་ཕྱིར། སྣང་བའི་མིག་དང་། མྱ་ངན་ལས་འདའ་བར་བྱ་བའི་ཕྱིར་མངོན་པར་བསྒྲུབ་པའི་མིག་དང་། བསྒྲིབས་པ་མེད་པར་བྱ་བའི་ཕྱིར་
D44.037.0229a05.01ཆགས་པ་མེད་པའི་མིག་དང་། ཆོས་ཀྱི་དབྱིངས་སྒོ་ཐམས་ཅད་ནས་བལྟ་བའི་ཕྱིར་ཐམས་ཅད་མཁྱེན་པའི་མིག་གོ །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མིག་སྟེ། མིག་དེ་དག་དང་ལྡན་པས་བྱང་ཆུབ་སེམས་དཔའ་
D44.037.0229a06.01རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་སྤྱན་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རྣ་བ་སྟེ། བཅུ་གང་ཞེ་ན། འདི་ལྟར་བསྔགས་པ་ཐོས་ནས་དགའ་བ་སྤོང་བ་དང་།
D44.037.0229a07.01