完整藏文原文 · 德格版页 当前仅加载第 37 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་ཀྱིས་ཕྱིན་ཅི་ལོག་ཏུ་གྱུར་པའི་འཇིག་རྟེན་གྱི་རྣམ་པའི་འདུ་ཤེས་དང་། རློམ་སེམས་ཁོང་དུ་ཆུད་པར་བྱ་བ་ལ་ཞུགས་པའི་ཡེ་ཤེས་མངོན་པར་བསྒྲུབ་པ་དང་། ཆོས་ཀྱི་རྒྱུད་ཐམས་ཅད་ལ་འབྱུང་བ་གཅིག་གི་མཐར་ཐུག་པར་འཇུག་པ་ཁོང་དུ་ཆུད་པར་
D44.037.0160b01.01བྱ་བ་ལ་ཞུགས་པའི་ཡེ་ཤེས་མངོན་པར་བསྒྲུབ་པ་དང་། ཆོས་ཀྱི་དབྱིངས་ཐམས་ཅད་ཀྱི་དེ་བཞིན་གཤེགས་པའི་རྣམ་པར་འཕྲུལ་པ་དང་། བྱིན་གྱི་རླབས་ཁོང་དུ་ཆུད་པར་བྱ་བ་ལ་ཞུགས་པའི་ཡེ་ཤེས་མངོན་པར་བསྒྲུབ་པ་དང་། འགྲོ་བ་ཐམས་ཅད་
D44.037.0160b02.01ཀྱི་དུས་གསུམ་དུ་འདུས་པའི་སངས་རྒྱས་ཀྱི་རིགས་ཐམས་ཅད་རྒྱུན་མི་གཅོད་པ་ཁོང་དུ་ཆུད་པར་བྱ་བ་ལ་ཞུགས་པའི་ཡེ་ཤེས་མངོན་པར་བསྒྲུབ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡེ་ཤེས་མངོན་པར་བསྒྲུབ་པ་
D44.037.0160b03.01སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཆོས་གང་ལ་ཡང་མགོ་རྨོངས་པར་མི་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤྲུལ་པ་སྟེ། བཅུ་གང་ཞེ་ན་འདི་ལྟར་སེམས་ཅན་སྤྲུལ་
D44.037.0160b04.01པ་དང་། ལུས་སྤྲུལ་པ་དང་། ཞིང་སྤྲུལ་པ་དང་། མཆོད་པ་སྤྲུལ་པ་དང་། དབྱངས་སྤྲུལ་པ་དང་། སྤྱོད་པ་དང་སྨོན་ལམ་སྤྲུལ་པ་དང་། སེམས་ཅན་ཡོངས་སུ་སྨིན་པར་བྱ་བ་དང་གདུལ་བ་སྤྲུལ་པ་དང་། མངོན་པར་རྫོགས་པར་བྱང་ཆུབ་པ་
D44.037.0160b05.01སྤྲུལ་པ་དང་། ཆོས་བསྟན་པ་སྤྲུལ་པ་དང་། བྱིན་གྱི་རླབས་སྤྲུལ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྤྲུལ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཆོས་ཐམས་ཅད་སྤྲུལ་པ་
D44.037.0160b06.01ཡོངས་སུ་རྫོགས་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བྱིན་གྱི་རླབས་ཏེ། བཅུ་གང་ཞེ་ན་འདི་ལྟར་སངས་རྒྱས་ཀྱི་བྱིན་གྱི་རླབས་དང་། ཆོས་ཀྱི་བྱིན་གྱི་
D44.037.0160b07.01