完整藏文原文 · 德格版页 当前仅加载第 37 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་མི་འཇིགས་མི་སྐྲག་གོ །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་ལྟར་སེམས་ཅན་ཐམས་ཅད་ཀྱི་དོན་དུ་བྱང་ཆུབ་སེམས་དཔའི་སྤྱོད་པ་ཉམས་སུ་ལེན་པ་ནི། བྱང་ཆུབ་སེམས་དཔའི་ཡི་དམ་བརྟན་པ་སྟེ། འདི་ནི་ཐེག་པ་
D44.037.0190a01.01ཆེན་པོའི་གོ་ཅ་རྡོ་རྗེ་ལྟ་བུའི་སེམས་བསྐྱེད་པ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་ལ་རག་ལུས་པར་ཡིད་ཆེས་པར་བྱས་ཏེ། བསམ་པ་ཡོངས་སུ་དག་པས། དགེ་
D44.037.0190a02.01བའི་རྩ་བ་ཐམས་ཅད་ཡང་དག་པར་སྡུད་ཅིང་ཡོངས་སུ་རྫོགས་པར་བྱེད་དེ། ནམ་འདོད་པར་གྱུར་པ་དེའི་ཚེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱའོ། །ཞེས་བྱང་ཆུབ་ལ་དབང་བསྒྱུར་བར་གནས་
D44.037.0190a03.01ཤིང་། བགེགས་མེད་པའི་ལམ་དུ་ཞུགས་པ་དང་། ཉེ་བར་ལེན་པའི་རྐྱེན་ཐམས་ཅད་ཡོངས་སུ་བྱང་བས། སངས་རྒྱས་ཀྱི་བྱང་ཆུབ་ཏུ་བརྟེན་པ་ཐོགས་པ་མེད་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་མངོན་པར་འཚང་མི་རྒྱ་སྟེ།
D44.037.0190a04.01དེ་ཡང་ཅིའི་ཕྱིར་ཞེ་ན། འདི་ལྟར་སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། སྨོན་ལམ་ཡོངས་སུ་རྫོགས་པར་བྱ་བའི་ཕྱིར་ཏེ། བྱང་ཆུབ་སེམས་དཔའི་སྤྱོད་པ་འཇིག་རྟེན་གྱི་ཁམས་ཐམས་ཅད་ཀྱིས་ཀླས་ཏེ། སྤྱོད་པ་འདི་ནི་ཐེག་པ་
D44.037.0190a05.01ཆེན་པོའི་གོ་ཅ་རྡོ་རྗེ་ལྟ་བུའི་སེམས་བསྐྱེད་པ་དགུ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སངས་རྒྱས་བཅོམ་ལྡན་འདས་རྣམས་ཀྱང་མི་དམིགས། བྱང་ཆུབ་ཀྱང་མི་དམིགས། བྱང་ཆུབ་སེམས་དཔའ་ཡང་མི་དམིགས་
D44.037.0190a06.01ཆོས་ཐམས་ཅད་ཀྱང་མི་དམིགས། སེམས་ཅན་ཐམས་ཅད་ཀྱང་མི་དམིགས། སེམས་ཀྱང་མི་དམིགས། སྤྱོད་པ་ཡང་མི་དམིགས་སྔོན་གྱི་མཐའ་ཡང་མི་དམིགས། ཕྱི་མའི་མཐའ་ཡང་མི་དམིགས། ད་ལྟར་བྱུང་བ་ཡང་མི་དམིགས། འགྲོ་
D44.037.0190a07.01