完整藏文原文 · 德格版页 当前仅加载第 37 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་མཉམ་པ་ཉིད་དང་། བྱང་ཆུབ་སེམས་དཔའ་ཐམས་ཅད་ལ་མཉམ་པ་ཉིད་དང་། སྨོན་ལམ་ཐམས་ཅད་ལ་མཉམ་པ་ཉིད་དང་། ཕ་རོལ་ཏུ་ཕྱིན་པ་ཐམས་ཅད་ལ་མཉམ་པ་ཉིད་དང་། སྤྱོད་པ་ཐམས་ཅད་ལ་མཉམ་
D44.037.0158a01.01པ་ཉིད་དང་། སངས་རྒྱས་ཐམས་ཅད་ལ་མཉམ་པ་ཉིད་དོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མཉམ་པ་ཉིད་དེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་མཉམ་པ་ཉིད་བླ་ན་མེད་
D44.037.0158a02.01པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ཀྱི་ཚུལ་གྱི་ལམ་རྣམས་ཏེ། བཅུ་གང་ཞེ་ན་འདི་ལྟར་ཆོས་ཐམས་ཅད་ནི་མིང་ཙམ་མོ། །ཆོས་ཐམས་ཅད་ནི་སྒྱུ་མ་ལྟ་བུའོ། །
D44.037.0158a03.01ཆོས་ཐམས་ཅད་ནི་མིག་ཡོར་ལྟ་བུའོ། །ཆོས་ཐམས་ཅད་ནི་རྟེན་པ་ཙམ་མོ། །ཆོས་ཐམས་ཅད་ནི་ལས་དང་བྲལ་བའོ། །ཆོས་ཐམས་ཅད་ནི་མི་ཟད་པའི་སྦྱོར་བའོ། །ཆོས་ཐམས་ཅད་ནི་ཡང་དག་པའི་མཐའ་འོ། །ཆོས་ཐམས་ཅད་ནི་མཚན་མ་མེད་
D44.037.0158a04.01པའོ། །ཆོས་ཐམས་ཅད་ནི་དོན་དམ་པའོ། །ཆོས་ཐམས་ཅད་ནི་ཆོས་ཀྱི་དབྱིངས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ཀྱི་ཚུལ་གྱི་ལམ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་
D44.037.0158a05.01རྣམས་ཐམས་ཅད་མཁྱེན་པའི་ཡེ་ཤེས་ཀྱི་ཚུལ་ལ་མཁས་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཆོས་བསྟན་པ་སྟེ། བཅུ་གང་ཞེ་ན་འདི་ལྟར་ཟབ་མོའི་ཆོས་བསྟན་པ་དང་།
D44.037.0158a06.01ཡངས་པའི་ཆོས་བསྟན་པ་དང་། སྣ་ཚོགས་ཀྱི་ཆོས་བསྟན་པ་དང་། ཐམས་ཅད་མཁྱེན་པ་ཉིད་བརྗོད་པ་མང་པོའི་ཆོས་བསྟན་པ་དང་། ཕ་རོལ་ཏུ་ཕྱིན་པ་དང་ལྡན་པའི་ཆོས་བསྟན་པ་དང་། དེ་བཞིན་གཤེགས་པའི་སྟོབས་མངོན་པར་
D44.037.0158a07.01