完整藏文原文 · 德格版页 当前仅加载第 37 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
མོར་ཕྱིན་པ་དང་། སྨོན་པ་མེད་པའི་ཕྱིར་ཁམས་གསུམ་དང་མི་འདྲེ་བས་བྱང་ཆུབ་སེམས་དཔའི་ལམ་རྣམ་པ་གསུམ་པ་དང་། ཉེས་པ་བཤགས་པའི་ཚུལ་དང་། བསོད་ནམས་ཐམས་ཅད་ལ་རྗེས་སུ་ཡི་རང་བ་དང་། དེ་བཞིན་གཤེགས་པ་ལ་གསོལ་བ་
D44.037.0220b01.01གདབ་པའི་རིམ་གྲོ་རྒྱུན་མི་གཅོད་པ་དང་། ཡོངས་སུ་བསྔོ་བ་ལ་མཁས་པས་ཤིན་ཏུ་བསྔོ་བའི་ཕྱིར་བྱང་ཆུབ་སེམས་དཔའི་ལམ་སྤྱོད་པ་བཞིས་སྨོས་པ་དང་དད་པའི་རྩ་བ་ཚུགས་ཏེ། ཤིན་ཏུ་བརྟན་པ་དང་། བརྩོན་འགྲུས་ཆེན་པོ་ལས་ཕྱིར་མི་ལྡོག་པ་དང་།
D44.037.0220b02.01དྲན་པ་རྩེ་གཅིག་པ་དང་ཏིང་ངེ་འཛིན་གྱི་ཚུལ་མ་འཁྲུགས་པ་དང་། རབ་ཏུ་རྟོགས་པའི་ཤེས་རབ་ཀྱི་སྤྱོད་ཡུལ་ལ་མཁས་པས། བྱང་ཆུབ་སེམས་དཔའ་རྣམས་ཀྱི་ལམ་དབང་པོ་ལྔས་རྣམ་པར་སྤེལ་བ་དང་། འདི་ལྟ་སྟེ་ལྷའི་མིག་གིས་འཇིག་རྟེན་གྱི་ཁམས་
D44.037.0220b03.01ཐམས་ཅད་ཀྱི་གཟུགས་ཀྱི་རྣམ་པ་ཐམས་ཅད་དང་། སེམས་ཅན་གྱི་ཤི་འཕོ་དང་། སྐྱེ་བ་ཐམས་ཅད་ཡོངས་སུ་མཐོང་བའི་རང་བཞིན་དང་ལྡན་པ་དང་། ལྷའི་རྣ་བས་དེ་བཞིན་གཤེགས་པ་ཐམས་ཅད་ཀྱི་ཆོས་བསྟན་པ་མཉན་ཅིང་དྲན་པར་བྱ་བ་དང་།
D44.037.0220b04.01ཡོངས་སུ་གཟུང་བར་བྱ་བས་སེམས་ཅན་ཕ་རོལ་གྱི་དབང་པོ་ལ་ཡང་དག་པར་ཕྱིན་པར་བྱེད་པ་དང་བདག་གི་སེམས་ཆགས་པ་མེད་པས། ཕ་རོལ་གྱི་སེམས་ཤེས་པས་མཐོང་བ་ལ་དབང་བསྒྱུར་བ་མངོན་པར་བསྒྲུབ་པ་དང་། སྔོན་གྱི་གནས་རྗེས་སུ་དྲན་པས་
D44.037.0220b05.01བསྐལ་པ་འགྲངས་པ་ཐམས་ཅད་རྗེས་སུ་དྲན་ཞིང་དགེ་བའི་རྩ་བ་རྣམ་པར་འཕེལ་བར་བྱེད་པ་དང་། རྫུ་འཕྲུལ་དང་རྣམ་པར་འཕྲུལ་པ་ཆེན་པོ་བསྒྲུབས་པས་སེམས་ཅན་ཇི་ལྟར་འདུལ་བ་བཞིན་དུ་ཆོ་འཕྲུལ་སྣ་ཚོགས་ཡོངས་སུ་སྟོན་ཅིང་། སེམས་ཅན་ཐམས་ཅད་ལ་ཆོས་
D44.037.0220b06.01བརྗོད་པ་དང་། ཟག་པ་ཟད་པའི་ཡེ་ཤེས་དང་ལྡན་པས་ཡང་དག་པའི་མཐའ་མངོན་སུམ་དུ་མཐོང་ཞིང་བྱང་ཆུབ་སེམས་དཔའི་སྤྱོད་པ་བསྒྲུབ་པ་རྒྱུན་མི་གཅོད་པས། བྱང་ཆུབ་སེམས་དཔའ་རྣམས་ཀྱི་ལམ་མངོན་པར་ཤེས་པ་དྲུག་གིས་རྣམ་པར་འཕྲུལ་བ་དང་།
D44.037.0220b07.01