完整藏文原文 · 德格版页 当前仅加载第 37 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་ཐམས་ཅད་རྒྱས་པར་ཁྱབ་པའི་བྱང་ཆུབ་ཀྱི་སེམས་རིན་པོ་ཆེའི་འོད་ཟེར་གྱི་སྤྲིན་ཞེས་བྱ་བ་མངའ་བ་དང་། དེ་བཞིན་གཤེགས་པའི་དབུ་ལ་དེ་བཞིན་གཤེགས་པའི་མཚན་གཙུག་ཏོར་དབུའི་གཙུག་ནས་མཐོ་བ་རིམ་གྱིས་མངོན་
D44.037.0046a01.01པར་འཕགས་ཤིང་། འཛམ་བུ་ཆུ་ཀླུང་གི་གསེར་དང་། རིན་པོ་ཆེའི་ཚོན་གྱིས་ཁ་དོག་བཟང་པོ་རྣམ་པ་སྣ་ཚོགས་ཀྱི་འོད་དང་ལྡན་པར་གྱུར་པ། གསེར་གྱི་ཐིག་ལེ་དྲི་མ་མེད་པའི་{མྱིག་,མིག་}འཕྲུལ་གྱིས་ཀུན་ནས་ཤིན་ཏུ་བརྒྱན་པ་འཇིག་རྟེན་གྱི་ཁམས་ཐམས་ཅད་
D44.037.0046a02.01ན་བཞུགས་པའི་དེ་བཞིན་གཤེགས་པ་ཐམས་ཅད་དགོངས་པའི་སྐད་ཅིག་རེ་རེ་ལ་ཡོངས་སུ་སྟོན་པའི་སྤྲིན་གྱིས་ཀུན་ཏུ་རྒྱས་པར་ཁྱབ་ཅིང་། ཞིང་གི་དཀྱིལ་འཁོར་སྣང་བར་གྱུར་པས་ཞིང་གི་དཀྱིལ་འཁོར་བྱང་ཆུབ་སེམས་དཔའི་གནས་སུ་གྱུར་པ། རྒྱན་
D44.037.0046a03.01ཐམས་ཅད་ཀྱིས་རབ་ཏུ་བརྒྱན་པ་ཀུན་ཏུ་སྣང་བའི་དེ་བཞིན་གཤེགས་པའི་གཙུག་ཏོར་མཚན་སུམ་ཅུ་རྩ་གཉིས་ཀྱི་རྒྱན་དུ་གྱུར་ཅིང་། ཆོས་ཀྱི་དབྱིངས་ཐམས་ཅད་ཀྱི་རྒྱན་དུ་གྱུར་པའི་སྤྲིན་སྣང་བ་ཞེས་བྱ་བ་མངའ་བའོ། །ཀྱེ་རྒྱལ་བའི་སྲས་དག་སངས་རྒྱས་
D44.037.0046a04.01ཀྱི་མཛོད་སྤུ་ལ་དེ་བཞིན་གཤེགས་པའི་མཚན་སངས་རྒྱས་རྒྱ་མཚོ་ཐམས་ཅད་ཀྱི་འོད་རབ་ཏུ་སྣང་བ་རིན་པོ་ཆེ་ཐམས་ཅད་ཀྱི་མདོག་ལྟར་སྣང་བ། ཉི་མ་དང་ཟླ་བ་ལྟར་སྣང་ཞིང་ཤིན་ཏུ་རྣམ་པར་དག་པས་ཕྱོགས་བཅུར་འོད་ཟེར་རྒྱ་མཚོ་རབ་ཏུ་འགྱེད་པ། ཀུན་
D44.037.0046a05.01ནས་རིན་པོ་ཆེའི་འོད་ཟེར་འབྱུང་བ་འོད་ཀུན་ཏུ་སྣང་བ་དཔལ་ཀུན་ཏུ་རྒྱས་པའི་སངས་རྒྱས་ཀྱི་སྐུ་རབ་ཏུ་འབར་བའི་སྒྲོན་མ་དྲི་མ་{མྱེད་,མེད་}པའི་མེ་ཏོག་ཤིན་ཏུ་རྒྱས་ཤིང་རིན་པོ་ཆེའི་སྤྲིན་ཆེན་པོ་ཤིན་ཏུ་འགྱེད་པ། ཕྱོགས་ཀྱི་འཁོར་ཐམས་ཅད་དུ་རྣམ་པར་སྣང་ཞིང་དེ་བཞིན་གཤེགས་པའི་
D44.037.0046a06.01ཆོས་རྒྱ་མཚོ་ཐམས་ཅད་དུ་དབྱངས་ཀྱི་སྒྲ་ཆོས་ཀྱི་དབྱིངས་ཐམས་ཅད་ཤིན་ཏུ་འཕགས་པའི་མར་མེ་རབ་ཏུ་སྣང་བས་རིན་པོ་ཆེའི་རྒྱལ་པོའི་མེ་ཏོག་ཀུན་ཏུ་རྒྱས་ཤིང་ཆོས་ཀྱི་དབྱིངས་ཐམས་ཅད་རྒྱས་པའི་སྤྲིན་ཅེས་བྱ་བ་{མངའའོ,མངའོ}། །དེ་བཞིན་གཤེགས་པའི་སྤྱན་ལ་དེ་བཞིན་
D44.037.0046a07.01