完整藏文原文 · 德格版页 当前仅加载第 37 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་འབྱམ་ཀླས་པ་ཆུད་མི་ཟ་བས་ཉེ་བར་འཚོ་བ་ཡིན་པས། དེའི་ཕྱིར་དེ་བཞིན་གཤེགས་པ་ཡང་དག་པར་འགྲུབ་པ་ནི་འགྲོ་བ་ཐམས་ཅད་ཉེ་བར་འཚོ་བ་ཡིན་ཞེས་བྱའོ། །ཀྱེ་རྒྱལ་བའི་སྲས་དག་ཁོང་དུ་ཆུད་པར་བྱ་བའི་སྒོ་རྣམ་པ་བཅུ་པ་འདིས་ཀྱང་བྱང་ཆུབ་སེམས་
D44.037.0087b01.01དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སྐྱེ་བ་འབྱུང་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་སྐྱེ་བ་འབྱུང་བ་
D44.037.0087b02.01བསྟན་པ་ནི་དེ་ལྟ་བུར་ཤེས་པར་བྱ་སྟེ། སྤྱོད་པ་ཡོངས་སུ་བསྒྲུབ་པ་ཚད་མེད་པས་ན། ཚད་མེད་པར་ཤེས་པར་བྱའོ། །ཕྱོགས་བཅུ་ཐམས་ཅད་རྒྱས་པར་འགེངས་པས་ན་ཤིན་ཏུ་ཡངས་པར་ཤེས་པར་བྱའོ། །སྐྱེ་བ་དང་འཇིག་པའི་གནས་དང་བྲལ་
D44.037.0087b03.01བས་ན་ལེན་པ་མེད་ཅིང་འདོར་བ་{མྱེད་,མེད་}པར་ཤེས་པར་བྱའོ། །སེམས་དང་ཡིད་དང་རྣམ་པར་ཤེས་པ་དང་བྲལ་བས་ན་རྒྱུ་བ་མེད་ཅིང་རྒྱུ་བ་དང་བྲལ་བར་ཤེས་པར་བྱའོ། །ནམ་མཁའི་རང་བཞིན་ལྟ་བུ་ཡིན་པས་ན། ལུས་མེད་པར་ཤེས་པར་བྱའོ། །སེམས་
D44.037.0087b04.01ཅན་ཐམས་ཅད་ལ་བདག་མེད་པས་ན་མཉམ་པར་ཤེས་པར་བྱའོ། །སེམས་ཅན་ཐམས་ཅད་ལ་ཟད་མི་ཤེས་པའི་ཞིང་དུ་གྱུར་པས་ན་མི་ཟད་པར་ཤེས་པར་བྱའོ། །ཕྱི་མའི་མཐའི་མུར་ཐུག་པར་རྒྱུན་མི་འཆད་པས་ན། ཕྱིར་མི་ལྡོག་པར་ཤེས་པར་བྱའོ། །དེ་བཞིན་
D44.037.0087b05.01གཤེགས་པའི་ཡེ་ཤེས་ལ་གཉེན་པོ་མེད་པས་ན་མི་འཕྲོགས་པར་ཤེས་པར་བྱའོ། །འདུས་བྱས་དང་འདུས་མ་བྱས་མཉམ་པ་ཉིད་དུ་ཐུགས་སུ་ཆུད་པས་ན། མི་གཉིས་པར་ཤེས་པར་བྱའོ། །སྔོན་ཡོངས་སུ་སྨིན་པར་བྱས་པའི་སེམས་ཅན་གྱི་བསམ་པའི་ཁྱད་
D44.037.0087b06.01པར་ཡོངས་སུ་རྫོགས་པར་མཛད་པས་ན། འགྲོ་བ་ཐམས་ཅད་ཉེ་བར་འཚོ་བར་ཤེས་པར་བྱའོ། །ཀྱེ་རྒྱལ་བའི་སྲས་དག་དེ་དག་ལ་{སྩོགས་,སོགས་}པ་རྣམ་པར་བྱང་བ་རྣམ་པ་ཐ་དད་པ་ཚད་མེད་པ་ཤིན་ཏུ་བསྟན་པའི་སྒོས་བྱང་ཆུབ་སེམས་དཔའ་སེམས་དཔའ་ཆེན་པོས་
D44.037.0087b07.01