完整藏文原文 · 德格版页 当前仅加载第 37 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་རེ་རེ་ཞིང་ཤིན་ཏུ་ཤས་ཆེ་བར་རྣམ་པར་འཕེལ་ཏེ། དེ་ལ་གལ་ཏེ་ཆོས་འདི་དག་ཐམས་ཅད་དེ་ལྟ་བུར་དབེན་ན། བདག་ཀྱང་སུ་ཞིག་གི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་སྙམ་པའི་འཇིགས་
D44.037.0183a01.01པ་མེད་སྡང་བ་མེད་དེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་རི་བོ་ལྟ་བུ་སྟེ། དེ་དག་ལ་གནས་
D44.037.0183a02.01ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་ཐུགས་རི་བོའི་རྒྱལ་པོ་ལྟ་བུ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་
D44.037.0183a03.01རྫོགས་པའི་བྱང་ཆུབ་ཏུ་ཡེ་ཤེས་ཀྱི་འཇུག་པ་རྒྱ་མཚོ་ལྟ་བུ་སྟེ། བཅུ་གང་ཞེ་ན། འདི་ལྟར་སེམས་ཅན་གྱི་ཁམས་ཐམས་ཅད་ཚད་མེད་པར་འཇུག་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་དང་
D44.037.0183a04.01པོའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་འཇིག་རྟེན་གྱི་ཁམས་འབྱམ་ཀླས་པ་ལ་རྟོག་པ་མེད་པ་དང་། རྣམ་པར་རྟོག་པ་མེད་པ་ལ་གནས་པས་འཇུག་པ་མེད་པར་ཞུགས་པ་ཡིན་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་
D44.037.0183a05.01ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་གཉིས་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔས་ནམ་མཁའི་དབྱིངས་ཚད་མེད་པ་ཐམས་ཅད་ཡོངས་སུ་སྦྱངས་ཤིང་ནམ་མཁའ་ལ་སྒྲིབ་པ་མེད་པའི་ཚུལ་གྱིས་ཕྱོགས་ཀྱི་དྲ་བ་རྣམ་
D44.037.0183a06.01པར་ཕྱེ་བ་ཐམས་ཅད་མཉམ་པ་ཉིད་དུ་རྟོགས་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་གསུམ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་ཆོས་ཀྱི་དབྱིངས་ཁོང་དུ་ཆུད་པར་
D44.037.0183a07.01