完整藏文原文 · 德格版页 当前仅加载第 37 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་བསྟན་ལ། བསྐལ་བ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཟད་པར་གྱུར་ཀྱང་། ད་དུང་གཞན་ཡང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་
D44.037.0033a01.01ཤིན་ཏུ་ཕྲ་བ་སྙེད་དུ་བརྒྱུད་ཅིང་རབ་ཏུ་སྟོན་པའི་ཚུལ་གྱིས་རྣམ་གྲངས་འདིས་བསྐལ་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་བསྟན་ལ། །རྣམ་གྲངས་འདི་འདྲ་བས་བསྐལ་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཟད་ལ་སེམས་
D44.037.0033a02.01ཅན་ཐམས་ཅད་ཀྱི་སེམས་ཀྱི་སྤྱོད་པ་སྙེད་ཀྱི་བསྐལ་པ་འདས་པར་གྱུར་ཏེ། ཕྱི་མའི་མཐའི་མུར་ཐུག་པའི་བསྐལ་པ་ཟད་ཅིང་འདས་པར་བྱས་ཀྱང་། དེ་བཞིན་གཤེགས་པའི་སྤྲུལ་པ་ཆོས་ཐམས་ཅད་སྣང་བའི་འཁོར་ལོ་བསྐོར་བ་དང་། ཆོས་ཐམས་
D44.037.0033a03.01ཅད་རབ་ཏུ་ཤེས་པར་བསྟན་ཅིང་ལུང་བསྟན་པ་དང་། ཐེ་ཙོམ་ཐམས་ཅད་རབ་ཏུ་གཅོད་པའི་ཆོས་ཀྱི་འཁོར་ལོ་བསྐོར་བ་དང་། ཆོས་ཐམས་ཅད་སྣང་བར་བྱེད་པའི། ཆོས་ཀྱི་འཁོར་ལོ་བསྐོར་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་བརྗོད་པའི་རྒྱུན་
D44.037.0033a04.01དང་ལྡན་པའི་ཆོས་ཀྱི་འཁོར་ལོ་བསྐོར་བ་དང་། ཡེ་ཤེས་ཀྱི་ཉི་མའི་དཀྱིལ་འཁོར་ཆེན་པོའི་རྒྱན་དང་ལྡན་པའི་ཆོས་ཀྱི་འཁོར་ལོ་བསྐོར་བ་དང་། འགྲོ་བ་ཐམས་ཅད་མ་ལུས་པར་ཡེ་ཤེས་ཀྱི་སྒྲོན་མ་ཆེན་པོས་བརྒྱན་པའི་ཆོས་ཀྱི་འཁོར་ལོ་བསྐོར་བ་དང་། སོ་
D44.037.0033a05.01སོ་ཡང་དག་པར་རིག་པ་དང་། མི་འཇིགས་པ་ཆེན་པོས་བརྒྱན་པའི་ཆོས་ཀྱི་འཁོར་ལོ་བསྐོར་བ་རྒྱུན་མི་འཆད་དེ། སངས་རྒྱས་ཀྱི་སྐུ་གཅིག་གི་བྱིན་གྱི་རླབས་ཀྱིས་ཇི་ལྟ་བ་དེ་བཞིན་དུ་ཆོས་ཀྱི་འཁོར་ལོའི་སྤྲིན་ཆེན་པོ་དཔེ་ཐམས་ཅད་ལ། །དཔེ་མེད་
D44.037.0033a06.01པར་རབ་ཏུ་འབྱུང་བར་འགྱུར་རོ། །དེ་བཞིན་དུ་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་ནམ་མཁའི་དབྱིངས་ཀྱི་མཐས་གཏུགས་པ་སྐྲའི་རྩེ་མོའི་ཆ་ཤས་ཀྱིས་གཞལ་བ་མ་ལུས་པ་ཐམས་ཅད་ཆགས་པ་མེད་པར་རྣམ་པར་དབྱེ་བས། སངས་རྒྱས་ཀྱི་ཞིང་
D44.037.0033a07.01