完整藏文原文 · 德格版页 当前仅加载第 37 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པར་བཀང་ནས་སེམས་ཅན་རྣམས་ལ་དད་པ་ཇི་བཞིན་དུ་ཆོས་སྣ་ཚོགས་ཀྱི་སྒྲ་སྐད་རབ་ཏུ་བརྗོད་དེ་ཆོས་ཀྱི་སྒྲ་སྐད་དེ་དག་ཐོས་ནས་སེམས་དང་བར་གྱུར་ཏེ། དགའ་ལྡན་གྱི་ལྷ་དང་བརྟུལ་ཞུགས་མཐུན་པར་སྐྱེ་བར་འགྱུར་ཞིང་། དེ་ལྟར་
D44.037.0252a01.01སྐྱེས་ནས་ཀྱང་བྱང་ཆུབ་ཀྱི་སེམས་ལ་དགོད་པ་འདི་ནི་དགའ་ལྡན་ན་གནས་པའི་ལས་གསུམ་པའོ། །ཀྱེ་རྒྱལ་བའི་སྲས་དགའ་ལྡན་གྱི་གནས་རབ་ན་གནས་པའི་བྱང་ཆུབ་སེམས་དཔའ་ནི་བྱང་ཆུབ་སེམས་དཔའི་མིག་བསྒྲིབས་པ་མེད་པས། ཕྱོགས་བཅུའི་དགའ་ལྡན་གྱི་གནས་
D44.037.0252a02.01རབ་ན་གནས་པའི་བྱང་ཆུབ་སེམས་དཔའ་རྣམས་ལ་ལྟ་སྟེ། བྱང་ཆུབ་སེམས་དཔའ་དེ་དག་གིས་ཀྱང་བྱང་ཆུབ་སེམས་དཔའ་དེ་མཐོང་ངོ་། །མཐོང་ནས་ཀྱང་ཆོས་ཡང་དག་པར་བགྲོ་བ་ཆེན་པོ་དང་། ཡང་དག་པའི་ཆོས་ཀྱི་གཏམ་ཆེན་པོ་བྱེད་དོ། །ཡུམ་གྱི་སྐུར་གཤེགས་
D44.037.0252a03.01པ་དང་། སྐྱེ་བ་དང་འབྱུང་བ་དང་། སྙིང་པོ་བྱང་ཆུབ་ཀྱི་རྒྱན་རྣམ་པར་དགོད་པ་དང་། ཡང་དག་པར་བགྲོ་བའོ། །སྔོན་གྱི་སྤྱོད་པ་གང་གིས་ཡེ་ཤེས་ཆེ་བ་ཉིད་དེ་ཐོབ་པར་གྱུར་པའི་སྔོན་གྱི་སྤྱོད་པ་དག་ཀྱང་རབ་ཏུ་བརྗོད་དོ། །གནས་ནས་མི་གཡོ་ཡང་བྱ་བ་འདི་ལྟ་བུ་དག་སྟོན་པ་འདི་ནི་
D44.037.0252a04.01དགའ་ལྡན་ན་གནས་པའི་ལས་བཞི་པའོ། །ཀྱེ་རྒྱལ་བའི་སྲས་དགའ་ལྡན་གྱི་གནས་རབ་ན་གནས་པའི་བྱང་ཆུབ་སེམས་དཔའི་དྲུང་དུ་བྱང་ཆུབ་སེམས་དཔའ་དེ་ལ་བལྟ་བ་དང་ཕྱག་བྱ་བ་དང་། བསྙེན་བཀུར་བའི་ཕྱིར་ཕྱོགས་བཅུ་ནས་དགའ་ལྡན་གྱི་གནས་རབ་ན་འཁོད་
D44.037.0252a05.01པའི་བྱང་ཆུབ་སེམས་དཔའ་རྣམས་འོངས་ཏེ། བྱང་ཆུབ་སེམས་དཔའ་དེ་དག་གི་སེམས་དང་བསམ་པ་ཡོངས་སུ་ཚིམ་པར་བྱ་བ་དང་། སྨོན་པ་ཡོངས་སུ་རྫོགས་པར་བྱ་བའི་ཕྱིར་ཆོས་ཡང་དག་པར་བགྲོ་བའི་སྒོ་ཆེན་པོ་ཡང་དག་པར་སྟོན་ཏེ། སོ་སོའི་ས་ལ་གནས་པའི་
D44.037.0252a06.01བྱང་ཆུབ་སེམས་དཔའ་རྣམས་ཀྱིས་གང་བྱ་བ་དང་། གང་སྤང་བ་དང་གང་བསྒོམ་པ་དང་གང་མངོན་དུ་བྱ་བ་དེ་དག་ཀྱང་ཡང་དག་པར་སྟོན་ཏོ། །ཡང་དག་པར་བགྲོ་བའི་ཆོས་དེ་དག་ཐོས་ནས་ཀྱང་རབ་ཏུ་དགའ་ཞིང་མགུ་བ་དང་། རངས་པས་ལེགས་པར་རྗོད་ཅིང་།
D44.037.0252a07.01