完整藏文原文 · 德格版页 当前仅加载第 37 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་དང་། རྣམ་པར་ཐར་པ་དང་ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པ་ཐམས་ཅད་མངོན་པར་བསྒྲུབ་པའི་སྦྱོར་བ་དང་བསོད་ནམས་བསྩགས་པ་ཐམས་ཅད་ལ་སྐྱོ་བ་མེད་པས། བྱང་ཆུབ་སེམས་དཔའ་རྣམས་ཀྱི་ཤེས་རབ་
D44.037.0215b01.01ཀྱི་ནན་ཏན་གྱི་སྦྱོར་བ་དང་། སེམས་ཅན་མེད་པ་ལ་ཞུགས་པས་བྱང་ཆུབ་སེམས་དཔའ་རྣམས་ཀྱི་བྱམས་པ་ཆེན་པོའི་སྦྱོར་བ་དང་། ཆོས་ཐམས་ཅད་རང་བཞིན་གྱིས་དབེན་པའི་ཕྱིར། བྱང་ཆུབ་སེམས་དཔའ་རྣམས་ཀྱི་འགྲོ་བ་ཐམས་ཅད་ཀྱི་སྡུག་
D44.037.0215b02.01བསྔལ་རང་གི་ལུས་ཀྱིས་ལེན་པའི་སྙིང་རྗེ་ཆེན་པོ་ལས་ཕྱིར་མི་ལྡོག་པའི་སྦྱོར་བ་དང་། ཆགས་པ་མེད་པར་ཁོང་དུ་ཆུད་པས་འགྲོ་བ་ཐམས་ཅད་ཡང་དག་པར་སྟོན་པའི་ཕྱིར། བྱང་ཆུབ་སེམས་དཔའ་རྣམས་ཀྱི་དེ་བཞིན་གཤེགས་པའི་སྟོབས་བཅུ་རྣམ་པར་
D44.037.0215b03.01འཚང་རྒྱ་བའི་སྦྱོར་བ་དང་། སེམས་ཅན་གཞན་གྱི་རྒྱུད་དུ་ཕྱིན་པར་བྱེད་པས། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་འཁོར་ལོ་བསྐོར་བ་ལས་ཕྱིར་མི་ལྡོག་པའི་སྦྱོར་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྦྱོར་བ་
D44.037.0215b04.01སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་སྦྱོར་བ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མོས་པ་སྟེ། བཅུ་གང་ཞེ་ན་
D44.037.0215b05.01འདི་ལྟར་བསྒྲུབ་པར་དཀའ་བའི་རྩ་བ་སྦྱོར་བས་རླབས་པོ་ཆེའི་མོས་པ་དང་། རྒྱན་སྣ་ཚོགས་མངོན་པར་བསྒྲུབ་པས་སྣ་ཚོགས་ཀྱི་མོས་པ་དང་། ཡིད་ཞུམ་པ་མེད་པས་རྒྱ་ཆེན་པོའི་མོས་པ་དང་། ཆོས་ཟབ་མོའི་ཚུལ་ལ་ཞུགས་པས་ཞི་བར་བྱེད་པའི་མོས་པ་དང་།
D44.037.0215b06.01སེམས་རྒྱ་ཆེན་པོ་བསྐྱེད་པས་ཡངས་པའི་མོས་པ་དང་། སངས་རྒྱས་ཀྱི་བྱིན་གྱི་རླབས་ཀྱི་མཐུ་དང་། ཤུགས་སུ་ལྡན་པས་རང་གི་སྐབས་ཕྱེ་བའི་མོས་པ་དང་། བདུད་ཀྱི་ལས་ཐམས་ཅད་རབ་ཏུ་འཇོམས་པས་མི་འཕྲོགས་པའི་མོས་པ་དང་།
D44.037.0215b07.01