完整藏文原文 · 德格版页 当前仅加载第 37 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་སྲས་གཞན་ཡང་འགྲོ་བ་ཐམས་ཅད་ནི་མཐའ་ཡས་མུ་མེད་པ་སྟེ། རིས་མེད་ལ་ས་མཚམས་མེད་པ་ལ་བྱང་ཆུབ་སེམས་དཔའ་ནི་འདི་ལྟར་འགྲོ་བ་ཐམས་ཅད་བླ་ན་མེད་པའི་ཡེ་ཤེས་ཀྱི་སྣང་བ་ཆེན་པོས་སྣང་བར་བྱའོ་
D44.037.0189a01.01ཞེས་ཏེ། དགེ་བའི་རྩ་བ་ཡོངས་སུ་བསྔོ་བ་འདི་ནི་ཐེག་པ་ཆེན་པོའི་གོ་ཅ་རྡོ་རྗེ་ལྟ་བུའི་སེམས་བསྐྱེད་པ་བཞི་པའོ། ཀྱེ་རྒྱལ་བའི་སྲས་གཞན་ཡང་སངས་རྒྱས་བཅོམ་ལྡན་འདས་རྣམས་ནི་མཐའ་ཡས་མུ་མེད་པ་སྟེ། རིས་མེད་ལ་ས་མཚམས་མེད་
D44.037.0189a02.01པ་ན། བྱང་ཆུབ་སེམས་དཔའ་ནི་དགེ་བའི་རྩ་བ་བསྐྱེད་ཅིང་། འདི་ལྟར་སངས་རྒྱས་བཅོམ་ལྡན་འདས་རྣམས་མཉེས་པར་བྱས་པའི་འོག་ཏུ་བདག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་བྱའོ། །ཞེས་ཡོངས་སུ་
D44.037.0189a03.01བསྔོ་བ་འདི་ནི་ཐེག་པ་ཆེན་པོའི་གོ་ཅ་རྡོ་རྗེ་ལྟ་བུའི་སེམས་བསྐྱེད་པ་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔས་སངས་རྒྱས་བཅོམ་ལྡན་འདས་རྣམས་ཀྱང་མཐོང་སྟེ། ཆོས་ཀྱང་ཉན་ལ་དགའ་བ་དང་སྤྲོ་བ་བསྐྱེད་ཀྱང་རང་གི་ལུས་
D44.037.0189a04.01ལ་ཡང་མངོན་པར་ཆགས་པར་མི་བྱེད་དེ་དེ་བཞིན་གཤེགས་པའི་སྐུ་ལ་ཡང་མངོན་པར་ཆགས་པར་མི་བྱེད་ཅིང་། དེ་བཞིན་གཤེགས་པའི་སྐུ་དེ་དག་ཀྱང་ཡོད་པར་ཡང་མི་བྱེད། མེད་པར་ཡང་མི་བྱེད་མེད་པ་མ་ཡིན་པར་ཡང་མི་བྱེད། ཡོད་པ་མ་ཡིན་
D44.037.0189a05.01པར་ཡང་མི་བྱེད། དངོས་པོར་ཡང་མི་བྱེད། དངོས་པོ་མེད་པར་ཡང་མི་བྱེད། གཟུགས་སུ་ཡང་མི་བྱེད། མཚན་དུ་ཡང་མི་བྱེད། འབྱུང་བར་འང་མི་བྱེད། འཇིག་པར་འང་མི་བྱེད། དེ་བཞིན་གཤེགས་པའི་སྐུ་དེ་དག་སྐྱེ་བར་ཡང་མི་བྱེད།
D44.037.0189a06.01འཇིག་པར་ཡང་མི་བྱེད། དེ་བཞིན་གཤེགས་པའི་སྐུ་ལ་དངོས་པོར་ཡང་མི་འཇུག་སྟེ། དངོས་པོ་ཆུད་ཟ་བར་ཡང་མི་བྱེད་དོ། །དེ་ཅིའི་ཕྱིར་ཞེ་ན། དེ་ནི་དངོས་པོ་ཐམས་ཅད་མ་བཟུང་བའི་ཕྱིར་ཏེ། འདི་ནི་ཐེག་པ་ཆེན་པོའི་གོ་ཅ་རྡོ་རྗེ་ལྟ་བུའི་
D44.037.0189a07.01