完整藏文原文 · 德格版页 当前仅加载第 37 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དེ་དག་ནི་སྐྱོན་མེད་པ་ལ་གནས་པའི་བྱང་ཆུབ་སེམས་དཔའ་རྣམས་ཀྱི་འཐོབ་པ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཆོས་ལ་འབྱུང་བའི་ལམ་སྟེ། བཅུ་གང་ཞེ་ན་འདི་ལྟར་དགེ་བའི་བཤེས་གཉེན་
D44.037.0219b01.01རྣམས་དང་རྒྱུད་ཀྱི་ཚུལ་གཅིག་ཏུ་འགྱུར་བ་དང་། དགེ་བའི་རྩ་བ་ཐུན་མོང་དུ་མོས་པ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་དང་། ཚུལ་མཐུན་ཞིང་སྨོན་ལམ་ཆེན་པོ་ལ་དབུགས་ཕྱིན་པ་ཐོབ་པ་
D44.037.0219b02.01ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །སེམས་རྒྱ་ཆེན་པོས་རང་གི་དགེ་བའི་རྩ་བའི་གོ་འབྱེད་པ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །ལས་ཇི་ལྟར་བྱས་པ་ཆུད་མི་ཟ་བས་བསྐལ་པ་འགྲངས་པ་ཐམས་ཅད་དུ་མི་སྐྱོ་བ་ནི། སངས་རྒྱས་ཀྱི་ཆོས་
D44.037.0219b03.01ལས་འབྱུང་བའི་ལམ་མོ། །ཕྱི་མའི་མཐའི་མུར་ཐུག་པ་ཐམས་ཅད་དུ་ཡོངས་སུ་འཛིན་པས། འཇིག་རྟེན་གྱི་ཁམས་གྲངས་མེད་པར་གནས་པར་བྱ་བ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །སེམས་ཅན་གྱི་ཁམས་ཐམས་ཅད་ཡོངས་སུ་
D44.037.0219b04.01སྨིན་པར་བྱ་བ་ལ་མཁས་པས་བྱང་ཆུབ་སེམས་དཔའི་སྤྱོད་པ་རྒྱུན་མི་གཅོད་པ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །སྙིང་རྗེ་ཆེན་པོ་བསྐྱེད་དེ་སེམས་ཚད་མེད་པར་བྱེད་པ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །ནམ་མཁའི་དབྱིངས་ཐམས་
D44.037.0219b05.01ཅད་སེམས་བསྐྱེད་པ་གཅིག་གིས་རྒྱས་པར་དགང་བས་སྤྱོད་པ་དང་སྨོན་ལམ་ཆེན་པོའི་ཁྱད་པར་ལ་འཇུག་པ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །སྔོན་མངོན་པར་བསྒྲུབས་པ་ཆུད་མི་ཟ་བར་དེ་བཞིན་གཤེགས་པའི་རིགས་ཡང་དག་པར་འཛིན་པ་ནི་
D44.037.0219b06.01སངས་རྒྱས་ཀྱི་ཆོས་ལ་འབྱུང་བའི་ལམ་མོ། །འགྲོ་བ་ཐམས་ཅད་ལ་བྱང་ཆུབ་ཀྱི་སེམས་ཡོངས་སུ་སྟོན་ཅིང་། བྱང་ཆུབ་ཏུ་སེམས་བསྐྱེད་པ་རྣམས་ཀྱི་དགེ་བའི་རྩ་བ་ཐམས་ཅད་ཉེ་བར་སྟོན་པ་ནི་སངས་རྒྱས་ཀྱི་ཆོས་ལ་འབྱུང་བའི་ལམ་མོ། །ཀྱེ་རྒྱལ་བའི་
D44.037.0219b07.01