完整藏文原文 · 德格版页 当前仅加载第 37 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རྣམས་དང་ཡང་ཕྲད་ཅིང་འགྲོགས་པ་དང་། ཆོས་རྣམས་ལ་ཡང་འདོད་ཆགས་དང་བྲལ་ལ། སེམས་ཅན་ཐམས་ཅད་ལ་ཡང་སྙིང་རྗེ་ཆེན་པོས་བྱམས་པ་དང་། དངོས་པོ་ཐམས་ཅད་ཀྱིས་ཀྱང་དབེན་ལ་འཁོར་ཐམས་ཅད་ཀྱང་
D44.037.0219a01.01ཡོངས་སུ་སྟོན་པ་དང་། འཇིག་རྟེན་གྱི་ཁམས་ལས་ཀྱང་གྱེན་དུ་འཕགས་ལ་སྐྱེ་ཞིང་ཤི་འཕོ་པའི་སྤྱོད་པ་ཡང་མངོན་པར་བསྒྲུབ་པ་དང་། འཇིག་རྟེན་གྱི་ཆོས་ཐམས་ཅད་ཀྱིས་ཀྱང་མ་གོས་ལ། འཇིག་རྟེན་གྱི་བྱ་བ་ཐམས་ཅད་ལའང་ཐོགས་པ་མེད་པ་དང་།
D44.037.0219a02.01སངས་རྒྱས་ཀྱི་བྱང་ཆུབ་ཀྱང་མངོན་དུ་གྱུར་ལ་སྤྱོད་པ་དང་སྨོན་ལམ་ཆེན་པོའི་ཉི་མ་ཡང་རྒྱུན་མི་གཅོད་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྐྱོན་མེད་པ། འཕགས་པ་འཇིག་རྟེན་ལས་འདས་པ། འགྲོ་བ་ཐམས་ཅད་དང་།
D44.037.0219a03.01ཐུན་མོང་མ་ཡིན་པ་ཉན་ཐོས་དང་། རང་སངས་རྒྱས་ཐམས་ཅད་དང་མ་འདྲེས་པ་སྟེ། སྐྱོན་མེད་པ་དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་བྱང་ཆུབ་སེམས་དཔའི་ཆོས་ངེས་པ་རྣམ་པར་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་
D44.037.0219a04.01དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ཆོས་ངེས་པ་འཐོབ་པ་སྟེ། བཅུ་གང་ཞེ་ན་འདི་ལྟར་དེ་བཞིན་གཤེགས་པའི་རིགས་སུ་སྐྱེས་པ་ཡིན། སངས་རྒྱས་ཀྱི་ཡུལ་ལ་གནས་པ་ཡིན། བྱང་ཆུབ་སེམས་དཔའི་ལས་ལ་ཞུགས་པ་
D44.037.0219a05.01ཡིན། ཕ་རོལ་ཏུ་ཕྱིན་པ་ལ་ནན་ཏན་དུ་བྱེད་པ་ཡིན། སངས་རྒྱས་ཀྱི་རྒྱུད་ན་ས་བྱུང་བ་ཡིན། དེ་བཞིན་གཤེགས་པའི་གདུང་ལས་སྐྱེས་པ་ཡིན། སངས་རྒྱས་ཀྱི་སྟོབས་ལ་གནས་པ་ཡིན། དེ་བཞིན་གཤེགས་པའི་བྱང་ཆུབ་ཏུ་རྗེས་སུ་སོང་བ་ཡིན།
D44.037.0219a06.01སངས་རྒྱས་ཐམས་ཅད་དང་སྐུ་དང་རང་བཞིན་གཅིག་པ་ཡིན། དེ་བཞིན་གཤེགས་པ་ཐམས་ཅད་ཀྱི་རྣམ་པར་སྤྱོད་པ་དང་མི་གཉིས་པ་ཡིན། ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ཆོས་ངེས་པར་འཐོབ་པ་
D44.037.0219a07.01