完整藏文原文 · 德格版页 当前仅加载第 37 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཅུ་རབ་ཏུ་འཐོབ་པར་འགྱུར་ཏེ། བཅུ་གང་ཞེ་ན་འདི་ལྟར་ཆུད་མི་ཟ་བའི་ཕྱིར་ལྷག་པའི་བསམ་པ་ཡོངས་སུ་དག་པ་དང་། སེམས་ཅན་ཇི་ལྟ་བུར་འདུལ་བ་བཞིན་དུ་བསྟན་པའི་ཕྱིར་གཟུགས་ཡོངས་སུ་དག་པ་དང་། སྒྲ་
D44.037.0156a01.01སྐད་དང་ཐ་སྙད་བསམ་གྱིས་མི་ཁྱབ་པ་ལ་འཇུག་པར་བྱ་བའི་ཕྱིར་དབྱངས་ཀྱི་དཀྱིལ་འཁོར་ཡོངས་སུ་དག་པ་དང་། སངས་རྒྱས་ཀྱི་ཆོས་བསམ་གྱིས་མི་ཁྱབ་པ་བསྟན་པ་ལ་མཁས་པར་བྱ་བའི་ཕྱིར་སྤོབས་པ་ཡོངས་སུ་དག་པ་དང་། མི་ཤེས་པ་ཐམས་
D44.037.0156a02.01ཅད་དང་བྲལ་བར་བྱ་བའི་ཕྱིར་ཡེ་ཤེས་ཡོངས་སུ་དག་པ་དང་། བྱང་ཆུབ་སེམས་དཔའ་ཐམས་ཅད་ཀྱི་དབང་རབ་ཏུ་ཐོབ་པར་བྱ་བའི་ཕྱིར་སྐྱེ་བ་ཡོངས་སུ་དག་པ་དང་། སྔོན་སྐལ་བ་མཉམ་པར་སྤྱད་པའི་སེམས་ཅན་རྣམས་ཀྱི་དགེ་བའི་རྩ་བ་ཡོངས་
D44.037.0156a03.01སུ་སྨིན་པར་བྱ་བའི་ཕྱིར་འཁོར་ཡོངས་སུ་དག་པ་དང་། སྒྲིབ་པའི་ལས་ཐམས་ཅད་སྤངས་པས་རྣམ་པར་བཟློག་པའི་ཕྱིར་རྣམ་པར་སྨིན་པ་ཡོངས་སུ་དག་པ་དང་། བྱང་ཆུབ་སེམས་དཔའ་ཐམས་ཅད་དང་ཚུལ་གཅིག་ཏུ་བྱ་བའི་ཕྱིར་སྨོན་ལམ་ཡོངས་
D44.037.0156a04.01སུ་དག་པ་དང་། ཀུན་ཏུ་བཟང་པོའི་ཐེག་པས་འབྱུང་བའི་ཕྱིར་སྤྱོད་པ་ཡོངས་སུ་དག་པ་སྟེ། ཡོངས་སུ་དག་པ་བཅུ་པོ་འདི་དག་འཐོབ་པར་འགྱུར་རོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་སྟེ།
D44.037.0156a05.01བཅུ་གང་ཞེ་ན་འདི་ལྟར་བདོག་པ་ཐམས་ཅད་ཡོངས་སུ་བཏང་བའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་དང་། སངས་རྒྱས་ཀྱི་ཚུལ་ཁྲིམས་ཡོངས་སུ་སྦྱང་བའི་ཕྱིར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་སྟོབས་ཀྱིས་བསམ་པ་མི་འཁྲུགས་
D44.037.0156a06.01པས་སངས་རྒྱས་ཀྱི་སྟོབས་ལ་སྦྱར་བའི་ཕྱིར་བཟོད་པའི་ཕ་རོལ་ཏུ་ཕྱིན་པ་དང་། མོས་པ་ཐམས་ཅད་ལས་ཕྱིར་མི་ལྡོག་པར་བྱ་བའི་ཕྱིར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། དྲན་པ་རྩེ་གཅིག་ཏུ་བྱ་བའི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་དང་།
D44.037.0156a07.01