完整藏文原文 · 德格版页 当前仅加载第 37 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་པ་མེད་དེ། བྱང་ཆུབ་སེམས་དཔས་རྒྱུ་འང་རྗེས་སུ་མི་མཐོང་ངོ་། །རྒྱུའང་རྗེས་སུ་མི་མཐོང་བས་འཇིགས་པ་དང་བྲལ་ཞིང་མི་འཇིགས་པ་ཆེན་པོའི་ཕ་རོལ་ཏུ་ཕྱིན་པ་དམ་པ་ཐོབ་པས། སེམས་ཅན་ཡོངས་སུ་སྨིན་པའི་ཚུལ་ཇི་ལྟ་བ་བཞིན་དུ་སངས་རྒྱས་ཀྱི་ཡུལ་ཡོངས་སུ་
D44.037.0206b01.01སྟོན་ཏེ། བྱང་ཆུབ་སེམས་དཔའི་སྤྱོད་པ་ཡང་རྒྱུན་མི་གཅོད་ལ་བྱང་ཆུབ་སེམས་དཔའི་སྨོན་ལམ་ཆེན་པོས་སྐྱེ་བ་ཡང་རྒྱུན་མི་གཅོད་ཅིང་བྱང་ཆུབ་སེམས་དཔས་ཡོངས་སུ་སྨིན་པར་བྱ་བའང་རྒྱུན་མི་གཅོད་དེ། འདི་ནི་མི་འཇིགས་པ་བཅུ་པའོ། །ཀྱེ་རྒྱལ་བའི་སྲས་བཅུ་བོ་དེ་དག་
D44.037.0206b02.01ནི་བྱང་ཆུབ་སེམས་དཔའ་རྣམས་ཀྱི་མི་འཇིག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་མི་འཇིགས་པ་ཆེན་པོ་བླ་ན་མེད་པ་འཐོབ་པར་འགྱུར་བ་དང་། བྱང་ཆུབ་སེམས་དཔའི་མི་འཇིགས་པ་ལས་ཀྱང་ཕྱིར་ལྡོག་པར་མི་འགྱུར་བ་དག་གོ །ཀྱེ་རྒྱལ་བའི་སྲས་བཅུ་
D44.037.0206b03.01པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ཆོས་མ་འདྲེས་པ་རྣམས་ཏེ། བཅུ་གང་ཞེ་ན་ཀྱེ་རྒྱལ་བའི་སྲས་འདི་ལ་བྱང་ཆུབ་སེམས་དཔའ་རྣམས་མ་བསྟན་པར་ཕ་རོལ་ཏུ་ཕྱིན་པ་རྣམས་ལ་བརྩོན་ཞིང་གཏོང་བ་ཡོངས་སུ་གཏོང་ལ་འཇུངས་པ་དང་བྲལ་
D44.037.0206b04.01བ་ཡིན། ཚུལ་ཁྲིམས་ཡོངས་སུ་དག་ལ། ཚུལ་ཁྲིམས་ངན་པ་ཐམས་ཅད་རབ་ཏུ་བསྩལ་བ་ཡིན། བཟོད་པ་ཕུན་སུམ་ཚོགས་ལ་བསམ་པ་མི་སྒུལ་བ་ཡིན། བརྩོན་འགྲུས་ཆེན་པོ་དང་ལྡན་ལ་དུས་ཐམས་ཅད་དུ་ཕྱིར་མི་ལྡོག་པ་ཡིན། ཤིན་ཏུ་མཉམ་
D44.037.0206b05.01པར་གཞག་པའི་ཡེ་ཤེས་དང་ལྡན་ལ་འཁྲུག་པ་ཐམས་ཅད་ཡོངས་སུ་སྤངས་པ་ཡིན། ཤེས་རབ་ཀྱིས་ཤིན་ཏུ་བྱུང་ཞིང་སྡིག་པའི་ལྟ་བ་དང་བྲལ་བ་ཡིན་ཏེ། ཀྱེ་རྒྱལ་བའི་སྲས་དེ་ལྟར་མ་བསྟན་པར་ཕ་རོལ་ཏུ་ཕྱིན་པ་ལ་བརྩོན་པ་འདི་ནི་བྱང་ཆུབ་སེམས་དཔའ་རྣམས་ཀྱི་མ་འདྲེས་
D44.037.0206b06.01པའི་ཆོས་ཏེ། དེ་ལྟར་ཕ་རོལ་ཏུ་ཕྱིན་པའི་ལམ་དང་མཐུན་པ་དེ་ནི་བྱང་ཆུབ་སེམས་དཔའི་མ་འདྲེས་པའི་ཆོས་དང་པོའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་སེམས་ཅན་གྱི་ཁམས་ཡོངས་སུ་སྡུད་ཅིང་། འཇིག་རྟེན་གྱི་ཟང་ཟིང་དང་། ཆོས་
D44.037.0206b07.01