完整藏文原文 · 德格版页 当前仅加载第 37 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
ཆ་ཤས་ཀྱིས་གཞལ་ཏེ། ནམ་མཁའི་དབྱིངས་ཀྱིས་ཀུན་ཏུ་ཁྱབ་པ་ཐམས་ཅད་མ་ལུས་པའི་སྐྲའི་རྩེ་མོའི་ཆ་ཤས་ཀྱི་ཚད་ཀྱིས་ནམ་མཁའི་དབྱིངས་ལ་འཇུག་པ་ཐམས་ཅད་དུ་ཞུགས་ཏེ། དེ་བཞིན་གཤེགས་པའི་སྤྱོད་ལམ་འདིའི་ཚུལ་དང་། སྐྱིལ་མོ་ཀྲུང་
D44.037.0032b01.01གཅིག་ཏུ་བཞུགས་པའི་སྤྱོད་པས། སྔོན་གྱི་མཐའ་དང་། ཕྱི་མའི་མཐའི་མུར་ཐུག་པའི་བསྐལ་པ་ཟད་པར་མཛད་དེ། བསྐལ་པ་འདའ་བར་མཛད་ཅིང་། བསྐལ་པ་ལ་རབ་ཏུ་འཇུག་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་
D44.037.0032b02.01ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བཞི་པའོ། །གཞན་ཡང་སངས་རྒྱས་བཅོམ་ལྡན་འདས་རྣམས་ནི་སྐུ་གཅིག་ལ། །དབུ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱིན་གྱིས་བརླབས་ཏེ།
D44.037.0032b03.01དབུ་རེ་རེ་ལ་ཡང་ལྗགས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱིན་གྱིས་བརླབས་ནས། དེ་དག་རེ་རེས་ཀྱང་དབྱངས་ཀྱི་ཡན་ལག་དང་སྒྲ་སྐད་ཀྱི་གསུང་། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་
D44.037.0032b04.01རྡུལ་ཤིན་ཏུ་ཕྲ་བ་སྙེད་རེ་རེ་བརྗོད་དེ། ཆོས་ཀྱི་དབྱིངས་མ་ལུས་པའི་སེམས་ཅན་གྱི་ཁམས་ཐམས་ཅད་གོ་བར་མཛད་ཅིང་དབྱངས་ཀྱི་ཡན་ལག་དང་སྒྲ་སྐད་ཀྱི་གསུང་རེ་རེས་ཀྱང་མདོ་སྡེ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་
D44.037.0032b05.01ཕྲ་བ་སྙེད་བཤད་ལ་མདོ་སྡེ་རེ་རེ་ལའང་ཆོས་བསྟན་པ། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རབ་ཏུ་གཞོལ་བར་མཛད་དེ། ཆོས་བསྟན་པ་གཅིག་ལས་ཀྱང་ཆོས་ཀྱི་ཚིག་དང་ཡི་གེ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་
D44.037.0032b06.01མེད་པའི་རྡུལ་ཤིན་ཏུ་ཕྲ་བ་སྙེད་བརྗོད་པར་གྱུར་ལ། །ཆོས་བསྟན་པ་གཅིག་ལས་ཇི་ལྟ་བ་དེ་བཞིན་དུ་ཆོས་བསྟན་པ་ཐམས་ཅད་ལས་ཀྱང་དེ་སྙེད་ཀྱི་ཆོས་ཀྱི་ཚིག་དང་ཡི་གེ་བརྗོད་དེ། དེ་ལྟར་བརྗོད་པས་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་
D44.037.0032b07.01