完整藏文原文 · 德格版页 当前仅加载第 37 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཡུལ་ཆེན་པོ་དང་ལྡན་པས་སེང་གེའི་སྒྲ་སྒྲོག་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་མཁས་པ་བཅུ་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་མཁས་པའོ།། །།
D44.037.0020b01.01སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་གསུམ་པ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་རྒྱ་ཆེན་པོ་ཚད་མེད་པ་བསམ་གྱིས་མི་
D44.037.0020b02.01ཁྱབ་པ་རྣམས་ཏེ། དེ་དག་ནི་སངས་རྒྱས་ཀྱི་བྱིན་གྱི་རླབས་མ་གཏོགས་པར་ལྷ་དང་བཅས་པའི་འཇིག་རྟེན་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག་པར་མི་ནུས་པའོ། །བཅུ་
D44.037.0020b03.01གང་ཞེ་ན། ཕྱོགས་བཅུའི་ནམ་མཁའི་དབྱིངས་ཀྱི་མཐས་གཏུགས་པའི་ཆོས་ཀྱི་དབྱིངས་ཐམས་ཅད་ཀྱི་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་དགའ་ལྡན་དུ་སྐྱེ་བ་བསྟན་པ་དང་། བྱང་ཆུབ་སེམས་དཔའི་སྤྱོད་པ་མུ་མེད་པ་དག་ལ་སངས་རྒྱས་ཀྱི་ཕྲིན་ལས་
D44.037.0020b04.01མཛད་དོ། །ཁ་དོག་ཚད་མེད་པ་གཟི་བརྗིད་ཚད་མེད་པ་སྣང་བ་ཚད་མེད་པ། དབྱངས་ཚད་མེད་པ་དབྱངས་ཀྱི་ཡན་ལག་རྣམ་པར་དག་པ་ཚད་མེད་པ་གསུང་བརྗོད་པས་རྣམ་པར་{དམྱིགས་,དམིགས་}པ་ཚད་མེད་པ། ཏིང་ངེ་འཛིན་ཚད་མེད་པ་ལ་སྤྱོད་པ། ཤེས་རབ་དང་ཡེ་
D44.037.0020b05.01ཤེས་ཀྱི་ཡུལ་ཚད་མེད་པ་མངའ་བ་རྣམས་ལྷ་དང་བཅས་པའི་འཇིག་རྟེན་ལ་ཕན་འདོགས་པ་མཛད་དེ། བདུད་དང་བཅས་པ་ཚངས་པ་དང་བཅས་པ། དགེ་སྦྱོང་དང་བྲམ་ཟེའི་སྐྱེ་དགུ་དང་བཅས་པ། ལྷ་དང་མི་དང་། ལྷ་མ་ཡིན་དུ་བཅས་པའི་འཇིག་
D44.037.0020b06.01རྟེན་ལ་ཕན་འདོགས་པ་མཛད་དོ། །བྱམས་པ་ཆེན་པོའི་སྤྱོད་ཡུལ་ཐོགས་པ་མེད་པ་དང་། ཐབས་ཐུགས་རྗེ་ཆེན་པོའི་སྒོའི་མཐར་ཐུག་པས་སེམས་ཅན་ལ་ཕན་འདོགས་པ་མཛད་དོ། །བསོད་ནམས་ཀྱི་སྟོབས་དང་། མངའ་ཕུན་སུམ་ཚོགས་པ་དང་།
D44.037.0020b07.01