完整藏文原文 · 德格版页 当前仅加载第 37 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་འགྲུས་འདི་ལྟ་བུ་བརྩམས་ཏེ་བསྐལ་པ་གྲངས་མེད་པར་བྱང་ཆུབ་སེམས་དཔའི་སྤྱད་པ་སྤྱོད་ཀྱང་དེ་རིང་ཁོ་ན་བླ་ན་མེད་པ་ཡང་དག་པར་རྫོགས་པའི་
D44.037.0182a01.01བྱང་ཆུབ་ཏུ་གཟོད་ཞུགས་པ་ཙམ་དུ་འཛིན་ཏེ། བྱང་ཆུབ་སེམས་དཔའི་སྤྱོད་པས་མི་འཇིགས་མི་སྐྲག་སྐྲག་པར་མི་འགྱུར་ཞིང་མི་འཇིགས་པ་འདི་ལྟ་བུ་དང་ལྡན་པ་ཡིན་ཏེ། དེ་རིང་ཁོ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བ་སྙམ་དུ་
D44.037.0182a02.01འཛིན་པས་དེ་ཕྱིན་ཅད་ཀྱང་འདི་ལྟར་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་བསྐལ་པ་ཚད་མེད་པར་བྱང་ཆུབ་སེམས་དཔའི་སྤྱད་པ་སྤྱོད་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བདུན་པའོ། །ཀྱེ་
D44.037.0182a03.01རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སེམས་ཅན་ཕ་རོལ་དང་གང་ཟག་ཕ་རོལ་ཅང་ཤེས་པ་མ་ཡིན་པ། གདུལ་དཀའ་བ། གསོ་དཀའ་བ། བྱས་པ་མི་གཟོ་བ། བྱས་པ་མི་དྲན་པ་ཤེས་ནས་དེ་དག་རྣམ་པར་བཟློག་པའི་ཕྱིར་གོ་ཆ་ཆེན་པོ་བགོས་
D44.037.0182a04.01ཏེ། སེམས་ཅན་ཐམས་ཅད་ཀྱི་སེམས་ལ་དབང་བསྒྱུར་བ་ལའང་བསམ་པའི་སྤྱོད་ཡུལ་ཇི་ལྟ་བ་བཞིན་དུ་གནས་པ་ཡིན་ཏེ། སེམས་ཅན་འཁུ་བས་སྐྱོ་བར་མི་འགྱུར་ཞིང་། སེམས་ཅན་ཕ་རོལ་ཀྱི་ཉོན་མོངས་པས་ཕྱིར་ལྡོག་པར་མི་འགྱུར་པ་འདི་ནི་བླ་ན་མེད་པ་
D44.037.0182a05.01ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་རི་བོ་ལྟ་བུ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་འདི་ལྟ་བུ་ཞིག་བདག་གི་བྱང་ཆུབ་སེམས་དཔའི་སྤྱོད་པ་ཡང་དག་པར་བསྒྲུབ་པར་འགྱུར་རོ། །ཞེས་བྱ་བར་སུ་ལ་སྐབས་
D44.037.0182a06.01འབྱེད་པ་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་གཞན་དུ་ན་བདག་གཅིག་པུས་ཕྱི་མའི་མཐའི་མུར་ཐུག་པའི་བསྐལ་བར་བྱང་ཆུབ་སེམས་དཔའི་སྤྱོད་པ་སྤྱད་པར་བྱའོ། །རང་གི་རྒྱུད་འདི་ཉིད་ལས་སངས་རྒྱས་ཀྱི་ཆོས་ཐམས་
D44.037.0182a07.01