完整藏文原文 · 德格版页 当前仅加载第 37 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྐུའོ། །སངས་རྒྱས་ཀྱི་ཁྱུ་མཆོག་གིས་མཐུ་ཕྱུང་བ་དང་། རྣམ་པར་འཕྲུལ་པ་མཐའ་ཡས་པའི་སྐུའི་རང་བཞིན་ནོ། །ལུས་ཐམས་ཅད་དུ་ཡོངས་སུ་གཞོལ་བའི་སྐུ་སྣ་ཚོགས་སུ་རྣམ་པར་དམིགས་པ་མཛད་ཀྱང་ཆོས་ཀྱི་སྐུའི་
D44.037.0036a01.01ཚུལ་གྱི་རྗེས་སུ་འབྲང་བའོ། །ཡེ་ཤེས་ཀུན་ཏུ་སྣང་བའི་སྙིང་པོ་ཅན་ནོ། །སྐུ་ཡོངས་ཀྱི་མཛོད་དུ་གྱུར་པའོ། །ཆོས་ཀྱི་དབྱིངས་རྣམ་པ་ཐ་དད་པ་མེད་པ་ཤིན་ཏུ་བསྟན་པའི་སྐུའོ། །ཁམས་མ་ལུས་པ་ཐམས་ཅད་རྒྱས་པར་འགེངས་པས། ཀུན་ཏུ་ཁྱབ་
D44.037.0036a02.01པའི་སྐུའི་རང་བཞིན་ནོ། །མི་གཡོ་མི་དགོངས་པའི་སྐུ་རྣམ་པར་དག་པའོ། །ཡོད་པའང་མ་ཡིན་མེད་པའང་མ་ཡིན་པའི་ཚུལ་དང་ཚུལ་མ་ཡིན་པར་རབ་ཏུ་བརྗོད་པའི་སྐུའོ། །སེམས་ཅན་གྱི་མོས་པ་རྣམ་པ་སྣ་ཚོགས་འདུལ་བར་གྱུར་བའི་སྐུའོ། །
D44.037.0036a03.01འགགས་པའང་མ་ཡིན་མ་འགགས་པའང་མ་ཡིན་པས་འདུལ་བ་སྟོན་པའི་སྐུའོ། །ཡོན་ཏན་རིན་པོ་ཆེ་ཐམས་ཅད་ཡང་དག་པར་འབྱུང་བས་ཤིན་ཏུ་འཕགས་པའི་སྐུའོ། །ཆོས་ཐམས་ཅད་སངས་རྒྱས་ཀྱི་ཆོས་ཀྱི་
D44.037.0036a04.01དེ་བཞིན་ཉིད་དུ་ཡང་དག་པར་བསྒྲུབས་པའི་སྐུའོ། །རང་བཞིན་གྱིས་རབ་ཏུ་ཞི་ཞིང་བསྒྲིབས་པ་མེད་པའི་མཐར་ཐུག་པའི་སྐུའོ། །ཐོགས་པ་མི་མངའ་བས་ཆོས་ཐམས་ཅད་ཐུགས་སུ་ཆུད་པའི་སྐུའོ། །ཐམས་ཅད་ཀྱི་རྗེས་སུ་སོང་བའི་ཆོས་ཀྱི་དབྱིངས་ཀྱིས་
D44.037.0036a05.01རྣམ་པར་དག་ཅིང་འཇིག་རྟེན་ཐམས་ཅད་དུ་ཤིན་ཏུ་རྣམ་པར་ཕྱེ་བའི་སྐུའོ། །ཕྱིར་མི་ལྡོག་ཅིང་བསྒྲིབས་པ་མི་མངའ་ལ། སངས་རྒྱས་ཀྱི་རྣམ་པར་ཐར་པས་ཡེ་ཤེས་ཐམས་ཅད་རྗེས་སུ་འབྲང་ཞིང་། ཡང་དག་པར་གཞོལ་བས་ཐུགས་སུ་
D44.037.0036a06.01ཆུད་པའི་སྐུ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དགུ་པའོ། །གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་མཉམ་པ་མེད་པ་དང་། མཉམ་པ་ནི་
D44.037.0036a07.01