完整藏文原文 · 德格版页 当前仅加载第 37 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྱིངས་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེང་གེའི་ང་རོ་སྟེ། བཅུ་གང་ཞེ་ན་འདི་ལྟར་སངས་རྒྱས་སུ་འགྱུར་བར་བྱའོ། །ཞེས་བྱང་ཆུབ་ཀྱི་སེམས་ཀྱི་སེང་
D44.037.0235a01.01གེའི་ང་རོ་ཆེན་པོ་དང་མ་རྒལ་བ་བརྒལ་བར་བྱའོ། །མ་གྲོལ་བ་དགྲོལ་བར་བྱའོ། །དབུགས་མ་ཕྱིན་པ་དབུགས་དབྱུང་བར་བྱའོ། །ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་བཟླ་བར་བྱའོ། །ཞེས་སེམས་ཅན་ལ་སྙིང་རྗེ་བའི་སེང་གེའི་ང་རོ་
D44.037.0235a02.01ཆེན་པོ་དང་། སངས་རྒྱས་ཀྱི་གདུང་དང་། ཆོས་ཀྱི་གདུང་དང་། དགེ་འདུན་གྱི་གདུང་མི་གཅད་དོ་ཞེས་དེ་བཞིན་གཤེགས་པས་མཛད་པ་བཟོ་བའི་སེང་གེའི་ང་རོ་ཆེན་པོ་དང་། ཞིང་ཐམས་ཅད་ཡོངས་སུ་དག་པར་བྱའོ། །ཞེས་དམ་བཅས་པ་ལ་བརྟན་ཞིང་
D44.037.0235a03.01ཁ་འོག་ཏུ་ལུས་འཁྲུས་པའི་སེང་གེའི་ང་རོ་ཆེན་པོ་དང་། ངན་སོང་དང་མི་ཁོམ་པ་ཐམས་ཅད་བསྐམ་པར་བྱའོ། །ཞེས་རང་གི་ལུས་ཡོངས་སུ་དག་པའི་སེང་གེའི་ང་རོ་ཆེན་པོ་དང་། སངས་རྒྱས་ཀྱི་སྐུ་དང་གསུང་དང་ཐུགས་ཀྱི་རྒྱན་དང་མཚན་དང་།
D44.037.0235a04.01དཔེ་བྱད་བཟང་པོ་ཡོངས་སུ་རྫོགས་པར་བྱའོ། །ཞེས་བསོད་ནམས་ཀྱི་ཚོགས་ཡོངས་སུ་བཙལ་བས་མི་ངོམས་པའི་སེང་གེའི་ང་རོ་ཆེན་པོ་དང་། སངས་རྒྱས་ཐམས་ཅད་ཀྱི་ཡེ་ཤེས་ཡོངས་སུ་རྫོགས་པར་བྱའོ་ཞེས་ཡེ་ཤེས་ཀྱི་ཚོགས་ཡོངས་སུ་
D44.037.0235a05.01བཙལ་བས་མི་ངོམས་པའི་སེང་གེའི་ང་རོ་ཆེན་པོ་དང་། བདུད་དང་བདུད་ཀྱི་ལས་ཐམས་ཅད་རབ་ཏུ་གཞོམ་པར་བྱའོ་ཞེས་ཡང་དག་པའི་ནན་ཏན་དང་ཉོན་མོངས་པ་མེད་པའི་སེང་གེའི་ང་རོ་ཆེན་པོ་དང་། བདག་མེད་པ་དང་སེམས་ཅན་མེད་པ་དང་།
D44.037.0235a06.01སྲོག་མེད་པ་དང་གང་ཟག་མེད་པ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པས་ནམ་མཁའི་དབྱིངས་དྲི་མ་མེད་པ་ལྟ་བུར་ཆོས་ཐམས་ཅད་ཤེས་པར་བྱའོ། །ཞེས་མི་སྐྱེ་བའི་ཆོས་ཀྱི་བཟོད་པ་ཐོས་བར་བྱ་བའི་སེང་གེའི་ང་རོ་ཆེན་པོ་དང་།
D44.037.0235a07.01