完整藏文原文 · 德格版页 当前仅加载第 37 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
པས་སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །མཚན་དང་དཔེ་བྱད་བཟང་པོ་དང་གཟུགས་ཀྱི་སྐུ་བལྟ་ན་དོན་ཡོད་པ་ཡོངས་སུ་རྫོགས་པས་སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱའོ། །
D44.037.0017b01.01དེ་བཞིན་གཤེགས་པ་ཐམས་ཅད་དང་མཉམ་པ་ཉིད་ཡོངས་སུ་རྫོགས་པས་སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་མངོན་པར་འཚང་རྒྱ་སྟེ། སངས་རྒྱས་ཀྱི་ཕྲིན་ལས་ཐམས་ཅད་ཡོངས་སུ་རྫོགས་པར་མཛད་ནས་ཡོངས་སུ་མྱ་ངན་ལས་འདའ་འོ། །
D44.037.0017b02.01ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཆོས་ཡོངས་སུ་རྫོགས་པ་ཚད་མེད་པ་བསམ་གྱིས་མི་ཁྱབ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཐབས་མཁས་
D44.037.0017b03.01པ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ནི་ཆོས་ཐམས་ཅད་བྱིན་གྱིས་བརླབས་པ་མེད་ཅིང་སྤྲོས་པ་ཐམས་ཅད་མེད་པར་ཡང་ཐུགས་སུ་ཆུད་ལ། དགེ་བའི་སྒོ་ནས་སངས་རྒྱས་ཀྱི་བྱིན་གྱི་རླབས་ཀྱང་ཤིན་ཏུ་སྟོན་ཅིང་བརྗོད་དེ།
D44.037.0017b04.01འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཐབས་མཁས་པ་དང་པོའོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཐམས་ཅད་ལ་གཟིགས་པ་མེད་ཅིང་ཕན་ཚུན་དུ་མཁྱེན་པ་མེད་དོ། །མ་བཅིངས་མ་གྲོལ་བ་དང་གཟུང་བ་མེད་
D44.037.0017b05.01ཅིང་བསྩགས་པ་མེད་དེ། ཡོངས་སུ་རྫོགས་པ་མེད་པར་ཡང་ཐུགས་སུ་ཆུད་ལ་སངས་རྒྱས་ཀྱི་ཆོས་ཐམས་ཅད་ལ་མངའ་དམ་པའང་བརྙེས་ཏེ། སངས་རྒྱས་བཅོམ་ལྡན་འདས་རྣམས་ཆོས་ཐམས་ཅད་ལ་མངའ་བསྒྱུར་བ་དེ་ཡང་། ཡང་དག་པ་
D44.037.0017b06.01དེ་ཁོ་ན་ཉིད་མ་ནོར་བ་རྣམ་པ་གཞན་དུ་མི་འགྱུར་བ་དང་། ཆོས་ཐམས་ཅད་བདག་གི་མེད་ཅིང་ཡོངས་སུ་འཛིན་པ་མེད་ལ་དེ་ཁོ་ན་ཉིད་ཀྱི་མཐའ་ལས་རྣམ་པར་མི་འདའ་ཡང་། སངས་རྒྱས་བཅོམ་ལྡན་འདས་རྣམས་ནི་མངའ་ཆེན་པོས་ཆོས་ཀྱི་དབྱིངས་ཐམས་
D44.037.0017b07.01