完整藏文原文 · 德格版页 当前仅加载第 37 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བས་ཡོངས་སུ་སྨིན་པ་དང་། རྣམ་པར་གདུལ་བར་བྱའོ། །སྙམ་ཡང་དེ་ལ་དེ་ནི་དེ་ལྟར་མི་འགྱུར་སྙམ་པའི་ནེམ་ནུར་མེད་ཡིད་གཉིས་མེད། ཐེ་ཙོམ་མེད་དེ་དེ་ནི་གནས་མ་ཡིན་ནོ། །འདི་ནི་ཐེ་ཙོམ་ཐམས་ཅད་གཅོད་པའི་སེམས་བསྐྱེད་པ་བཞི་པའོ། །ཀྱེ་
D44.037.0165b01.01རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་ལྟར་སེམས་བསྐྱེད་དེ། བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སྨོན་ལམ་ཐམས་ཅད་ཡོངས་སུ་རྫོགས་པར་བྱའོ། །ཞེས་ནས་དེ་ལ་ནེམ་ནུར་མེད་ཅིང་ཡིད་གཉིས་མེད་པ་དང་། ཐེ་ཙོམ་མེད་
D44.037.0165b02.01པར་གནས་པ་ཡིན་ཏེ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་སྙམ་སྟེ། བདག་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། སངས་རྒྱས་ཀྱི་ཆོས་ཐམས་ཅད་སྣང་བར་གྱུར་པས་ཆོས་
D44.037.0165b03.01ཐམས་ཅད་མངོན་དུ་གྱུར་པར་འགྱུར་རོ། །སྙམ་ཡང་དེ་ལ་དེ་དེ་ལྟར་མི་འགྱུར་སྙམ་པའི་ནེམ་ནུར་མེད་ཡིད་གཉིས་མེད་ཐེ་ཙོམ་མེད་དེ། དེ་ནི་གནས་མ་ཡིན་ནོ། །འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་
D44.037.0165b04.01འདི་སྙམ་སྟེ། འདི་ལྟར་སེམས་ཅན་ཐམས་ཅད་ཀྱི་སེམས་ཁོང་དུ་ཆུད་པར་བྱ་བའི་ཕྱིར། ཆོས་ཐམས་ཅད་སངས་རྒྱས་ཀྱི་ཆོས་སུ་མོས་པར་བྱའོ། །སྙམ་ཡང་དེ་ལ་དེ་དེ་ལྟར་མི་འགྱུར་སྙམ་པའི་ནེམ་ནུར་མེད་ཡིད་གཉིས་མེད་ཐེ་ཙོམ་མེད་དེ། དེ་
D44.037.0165b05.01ནི་གནས་མ་ཡིན་ནོ། །འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཆགས་པ་མེད་པའི་ཆོས་ཀྱི་སྒོ་ཐམས་ཅད་ཆགས་པ་ཐམས་ཅད་མི་དམིགས་པས་རབ་ཏུ་ཤེས་ཤིང་། དེ་ལ་
D44.037.0165b06.01ནེམ་ནུར་མེད་ཡིད་གཉིས་མེད་ཐེ་ཙོམ་མེད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ཀྱི་བར་དུ་ཡང་དག་པ་ཉིད་ལ་གནས་པ། འདི་ནི་ནེམ་ནུར་ཐམས་ཅད་གཅོད་པའི་སེམས་བསྐྱེད་པ་བརྒྱད་པའོ། །ཀྱེ་རྒྱལ་བའི་སྲས་
D44.037.0165b07.01