完整藏文原文 · 德格版页 当前仅加载第 37 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
གེ་རྣམ་པར་བསྒྱིངས་པ་དང་། དེ་དག་ལ་{སྩོགས་,སོགས་}པ་བྱང་ཆུབ་སེམས་དཔའི་ཏིང་ངེ་འཛིན་གྱི་ལམ་ལ་འཇུག་པ་དང་། སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱིས། བྱང་ཆུབ་སེམས་དཔའ་དེ་དག་དེ་བཞིན་གཤེགས་པ་རྣམ་པར་སྣང་
D44.037.0308a01.01མཛད་ཀྱི་སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་དེ་དག་ལ་རབ་ཏུ་འཇུག་གོ །སེམས་ཀྱི་སྐད་ཅིག་རེ་རེ་ལ་ཆོས་ཀྱི་དབྱིངས་ཐམས་ཅད་དུ་རྒྱས་པར་འགེངས་པར་འཇུག་པའི་ཚུལ་གྱིས་སྔོན་བསྐལ་པ་མཉམ་པར་སྤྱད་པ་ཡང་རྗེས་སུ་དྲན་ནོ། །དེ་ལྟར་བྱང་ཆུབ་སེམས་དཔའ་དེ་དག་
D44.037.0308a02.01ཛེ་ཏའི་ཚལ་དུ་ཕྱིན་ཅིང་། བཅོམ་ལྡན་འདས་ཀྱི་སྤྱན་སྔ་ན་འཁོད་པ། སེང་གེའི་ཁྲི་རིན་པོ་ཆེ་སྣ་ཚོགས་ཀྱི་པད་མོའི་སྙིང་པོ་ཅན་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་དང་མཉམ་པར་ཡངས་པ་ལ་འཁོད་པ། ཡེ་ཤེས་དང་མངོན་པར་ཤེས་པ་ཆེན་
D44.037.0308a03.01པོའི་རྣམ་པར་འཕྲུལ་པས་བྱུང་བ། ཡེ་ཤེས་དང་མངོན་པར་ཤེས་པ་རྣོ་བ་དང་ལྡན་པའི་ས་རྗེས་སུ་ཐོབ་པ། ཡེ་ཤེས་ཀྱིས་ཀུན་ཏུ་རྣམ་པར་དཔྱོད་པ། ཤེས་རབ་ཀྱི་འབྱུང་གནས་ཀྱི་རིགས་སུ་བྱུང་བ། ཐམས་ཅད་མཁྱེན་པའི་ཡེ་ཤེས་ལ་མངོན་དུ་གྱུར་པ། ཡེ་ཤེས་
D44.037.0308a04.01ཀྱི་མིག་རབ་རིབ་མེད་པ་དང་ལྡན་པ། སེམས་ཅན་གྱི་ཁ་ལོ་བསྒྱུར་བའི་རང་བཞིན་ཐོབ་པ། སངས་རྒྱས་ཐམས་ཅད་དང་མཉམ་པ་ཉིད་ཀྱི་རྗེས་སུ་སོང་བ། རྟག་ཏུ་རྣམ་པར་རྟོག་པ་མེད་པར་ཆོས་ལ་སྤྱོད་པ། ཆོས་ཀྱི་{དམྱིགས་,དམིགས་}པ་ཐམས་ཅད་རབ་ཏུ་རྟོགས་པ།
D44.037.0308a05.01ཆོས་ཐམས་ཅད་རང་བཞིན་གྱིས་ཞི་བར་དམིགས་པ་འཇིག་རྟེན་ཐམས་ཅད་ཤིན་ཏུ་ཞི་བས། གནས་ཐ་དད་པ་མེད་པ་ལ་རབ་ཏུ་གཞོལ་བ། འཇིག་རྟེན་ཐ་དད་པ་ཐམས་ཅད་དུ་རབ་ཏུ་ཞུགས་པ། གནས་མེད་པར་ཞིང་ཐམས་ཅད་དུ་འདོང་བ། ཆོས་ཀྱི་གནས་
D44.037.0308a06.01ཐམས་ཅད་ལ་བརྟེན་པ་མེད་པར་ཆོས་ཐམས་ཅད་བླ་གབ་མེད་པའི་གཞལ་མེད་ཁང་དུ་ཕྱིན་པ། འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལ་ཞུགས་པ་སེམས་ཅན་ཐམས་ཅད་ལ་བདེ་བའི་ལམ་སྟོན་པ། ཡེ་ཤེས་དང་རྣམ་པར་ཐར་པ་ཤིན་ཏུ་
D44.037.0308a07.01