完整藏文原文 · 德格版页 当前仅加载第 37 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྣམས་ནི་སངས་རྒྱས་ཀྱིས་འདུལ་བའི་སེམས་ཅན་གཟིགས་ན་སེམས་ཅན་གཅིག་གི་དོན་དུ་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་སྐྱིལ་མོ་ཀྲུང་གཅིག་གིས་བཞུགས་ན་ཡང་དེ་བཞིན་གཤེགས་པའི་སྐུ་ལ་{མྱི་,མི་}
D44.037.0015a01.01བདེ་བ་མི་མངའ་ཞིང་ཐུགས་ལ་མི་བདེ་བ་མི་མངའ་སྟེ། གང་ཟག་དེ་ཡང་མི་བསྙེལ་བས་འདུལ་བའི་དུས་ལས་མི་འདའ་བ་དང་། གང་ཟག་གཅིག་ལ་ཇི་ལྟ་བ་དེ་བཞིན་དུ་རིམ་པ་རིམ་པས། འཇིག་རྟེན་གྱི་ཁམས་མ་ལུས་པ་ཐམས་ཅད་དུ་ཕྱི་མའི་མཐའི་
D44.037.0015a02.01མུར་ཐུག་པའི་སྐུ་ཚེ་ལ་མངའ་བར་བྱིན་གྱིས་བརླབས་ཏེ་བཞུགས་ཀྱང་། སངས་རྒྱས་བཅོམ་ལྡན་འདས་རྣམས་ལ་སྐྱོ་བ་མི་མངའ་སྟེ། དེ་ལྟར་སེམས་ཅན་གྱི་ཁམས་ཐམས་ཅད་མཐར་གྱིས་རིམ་པས་སངས་རྒྱས་ཀྱིས་འདུལ་བའི་གང་ཟག་གི་
D44.037.0015a03.01དོན་དུ་ཡོངས་སུ་སྐྱོ་བར་མཛད་པ་ལ་མངའ་ཆེ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མངའ་ཆེན་པོས་མངའ་བསྒྱུར་བའི་ཆོས་ལྔ་པའོ། །སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་
D44.037.0015a04.01ཡང་དག་པར་གཞོལ་བའི་དེ་བཞིན་གཤེགས་པ་བཞུད་པས་འཇིག་རྟེན་གྱི་ཁམས་ཐམས་ཅད་དུ་བཞུད་པ་ལ་ཐག་ཐོགས་མི་མངའ་བ་དང་། ཕྱོགས་བཅུའི་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་འཇིག་རྟེན་གྱི་ཁམས་ཀྱི་རྒྱུད་རྒྱ་མཚོ་འབྱམ་ཀླས་པ་
D44.037.0015a05.01དང་། ཕྱོགས་ཀྱི་དྲ་བའི་རྒྱུད་ཐམས་ཅད་དུ་དགོངས་པའི་སྐད་ཅིག་གཅིག་དང་ལྡན་པའི་བཞུད་པར་བྱིན་གྱིས་རློབ་ཅིང་། ཆོས་ཀྱི་དབྱིངས་ཤིན་ཏུ་བསྟན་པ་ཁོང་དུ་ཆུད་པར་བྱ་བས་ཆོས་ཀྱི་འཁོར་ལོ་ཐོགས་པ་མེད་པ་རབ་ཏུ་བསྐོར་བ་ལ་མངའ་
D44.037.0015a06.01ཆེ་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མངའ་ཆེན་པོས་མངའ་བསྒྱུར་བའི་ཆོས་དྲུག་པའོ། །སངས་རྒྱས་བཅོམ་ལྡན་འདས་རྣམས་ནི་འདུལ་བའི་སེམས་ཅན་གྱི་ཁམས་ཐམས་ཅད་ཀྱི་དོན་དུ་དགོངས་པའི་སྐད་ཅིག་རེ་རེ་ལ།
D44.037.0015a07.01