完整藏文原文 · 德格版页 当前仅加载第 37 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཐམས་ཅད་ནམ་མཁའ་ལ་གནས་ཤིང་ནམ་མཁའི་དབྱིངས་ལས་བྱུང་བའོ། །དེ་ཅིའི་ཕྱིར་ཞེ་ན། ནམ་མཁའི་དབྱིངས་ཀྱིས་ཐམས་ཅད་དུ་ཁྱབ་པའི་ཕྱིར་ཏེ། ནམ་མཁའ་ལ་གནོད་པའམ། མི་བདེ་བར་འགྱུར་བ་མེད་ཀྱང་
D44.037.0114a01.01ཁམས་གསུམ་དུ་འགྲུབ་པའི་གྲངས་སུ་ཡང་འགྲོའོ། །ཀྱེ་རྒྱལ་བའི་སྲས་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གྲངས་མེད་པ་མ་ལུས་པ་དག་ན། ཉན་ཐོས་ཀྱི་ཡེ་ཤེས་སམ། རང་སངས་རྒྱས་ཀྱི་ཡེ་ཤེས་སམ། བྱང་ཆུབ་སེམས་དཔའི་ཡེ་
D44.037.0114a02.01ཤེས་སམ། འདུས་བྱས་ལ་སྤྱོད་པའི་ཡེ་ཤེས་སམ། འདུས་མ་བྱས་ལ་སྤྱོད་པའི་ཡེ་ཤེས་གང་ཇི་སྙེད་ཡོད་པ། དེ་དག་ཐམས་ཅད་དེ་བཞིན་གཤེགས་པའི་ཡེ་ཤེས་ཀྱི་ནམ་མཁའ་ལ་གནས་ཤིང་། དེ་བཞིན་གཤེགས་པའི་ཡེ་ཤེས་ཀྱི་ནམ་
D44.037.0114a03.01མཁའ་ལས་བྱུང་བའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་ཡེ་ཤེས་ཀྱི་ནམ་མཁའི་དབྱིངས་ཀྱིས་ཀུན་ཏུ་ཁྱབ་པའི་ཕྱིར་ཏེ། དེ་བཞིན་གཤེགས་པའི་ཡེ་ཤེས་ལ་གནོད་པའམ་མི་བདེ་བར་འགྱུར་བ་མེད་ཀྱང་ཡེ་ཤེས་ཡང་དག་པར་འགྲུབ་པ་
D44.037.0114a04.01རྣམ་པ་ཐ་དད་པར་འགྱུར་བ་ཡང་ཡོད་དོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་ཇུག་པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་སྐྱེ་བ་ཁོང་དུ་ཆུད་
D44.037.0114a05.01པར་བྱའོ། །ཀྱེ་རྒྱལ་བའི་སྲས་གཞན་ཡང་འདི་ལྟ་སྟེ་དཔེར་ན། རིའི་རྒྱལ་པོ་ཁ་བ་དང་ལྡན་པའི་རྩེ་མོ་ལ། སྨན་གྱི་རྒྱལ་པོ་རྩ་བ་མ་གྲུབ་པ་ཞེས་བྱ་བ་ཡོད་དེ། དེ་ནི་ས་ཆེན་པོའི་འོག་རྡོ་རྗེའི་དབྱིངས་ཀྱི་ཆུའི་ཕུང་པོའི་གཞིའི་གཏིང་ནས་དཔག་ཚད་བརྒྱ་
D44.037.0114a06.01སྟོང་ཕྲག་དྲུག་ཅུ་རྩ་བརྒྱད་མངོན་པར་བརྟོལ་ཏེ། གྱེན་དུ་བྱུང་བས་རྩ་བ་ཤིན་ཏུ་བརྟན་པའོ། །སྨན་གྱི་རྒྱལ་པོ་དེའི་རྩ་བའི་འོད་ལས། འཛམ་བུའི་གླིང་ན་ཡོད་པའི་ཤིང་ཐམས་ཅད་ཀྱི་རྩ་བ་ཆགས་པར་འགྱུར་ཏེ། སྡོང་པོའི་འོད་ཀྱིས་སྡོང་པོ་ཆགས་
D44.037.0114a07.01