完整藏文原文 · 德格版页 当前仅加载第 37 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱང་ཆུབ་སེམས་དཔའ་སེམས་བསྐྱེད་དོ། །ཆོས་ཐམས་ཅད་ལ་ཐེ་ཙོམ་མེད་པར་ཐོབ་པར་བྱའོ། །ཞེས་བྱང་ཆུབ་སེམས་དཔའ་སེམས་བསྐྱེད་དོ། །སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་རབ་ཏུ་ཞི་བར་བྱའོ། །ཞེས་བྱང་ཆུབ་
D44.037.0213a01.01སེམས་དཔའ་སེམས་བསྐྱེད་དོ། །ངན་སོང་དང་མི་ཁོམ་པ་ཐམས་ཅད་གཅད་པར་བྱའོ། །ཞེས་བྱང་ཆུབ་སེམས་དཔའ་སེམས་བསྐྱེད་དོ། །དེ་བཞིན་གཤེགས་པ་ཐམས་ཅད་མཉེས་པར་བྱའོ། །ཞེས་བྱང་ཆུབ་སེམས་དཔའ་སེམས་བསྐྱེད་དོ། །བྱང་
D44.037.0213a02.01ཆུབ་སེམས་དཔའི་བསླབ་པ་ཐམས་ཅད་ལ་ནན་ཏན་ཏུ་བྱའོ། །ཞེས་བྱང་ཆུབ་སེམས་དཔའ་སེམས་བསྐྱེད་དོ། །སྐྲའི་སྦུབས་སུ་འཇུག་པ་ཐམས་ཅད་ཀྱང་མ་ལུས་པར་འགྲོ་བ་ཐམས་ཅད་དུ་སངས་རྒྱས་ཐམས་ཅད་བྱང་ཆུབ་ཏུ་འཚང་རྒྱ་བ་བསྟན་པར་བྱའོ། །
D44.037.0213a03.01ཞེས་བྱང་ཆུབ་སེམས་དཔའ་སེམས་བསྐྱེད་དོ། །འགྲོ་བ་མ་ལུས་པ་ཐམས་ཅད་ཀྱི་བསམ་པ་དང་། དབང་པོ་རབ་ཏུ་རྟོགས་པས། འཇིག་རྟེན་གྱི་ཁམས་ཐམས་ཅད་དུ་གྲགས་པར་བྱ་བར་ཆོས་ཀྱི་རྔ་བླ་ན་མེད་པ་བརྡུང་བར་བྱའོ། །ཞེས་བྱང་ཆུབ་སེམས་
D44.037.0213a04.01དཔའ་སེམས་བསྐྱེད་དོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་དགོངས་པ་རྒྱ་ཆེན་པོའི་ཕྲིན་ལས་བླ་ན་མེད་པ་རྩོམ་པར་འགྱུར་
D44.037.0213a05.01བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཀྱིས་རྒྱས་པར་དགང་བ་སྟེ། བཅུ་གང་ཞེ་ན་འདི་ལྟར་སེམས་ཤིན་ཏུ་ཡངས་པ་དང་ལྡན་པས་ནམ་མཁའི་དབྱིངས་ཐམས་ཅད་རྒྱས་པར་དགང་བ་དང་། མཐའ་
D44.037.0213a06.01དང་དབུས་མེད་པར་ཁོང་དུ་ཆུད་པས་ཆོས་ཀྱི་དབྱིངས། ཐམས་ཅད་རྒྱས་པར་དགང་བ་དང་། སྐད་ཅིག་གཅིག་ཏུ་འཛུད་པས་དུས་གསུམ་ཐམས་ཅད་རྒྱས་པར་དགང་བ་དང་། གཤེགས་པ་དང་སྐྱེ་བ་དང་འབྱུང་བ་དང་རྣམ་པར་འཚང་རྒྱ་བ་དང་།
D44.037.0213a07.01