完整藏文原文 · 德格版页 当前仅加载第 37 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་རབ་ཏུ་རྟོགས་པར་བྱ་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་དང་། སངས་རྒྱས་ཀྱི་སྟོབས་ལ་འཇུག་པའི་ཕྱིར་ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། ཀུན་ཏུ་བཟང་པོའི་སྨོན་ལམ་ཡོངས་སུ་རྫོགས་
D44.037.0156b01.01པར་བྱ་བའི་ཕྱིར་སྨོན་ལམ་གྱི་ཕ་རོལ་ཏུ་ཕྱིན་པ་དང་། རྫུ་འཕྲུལ་དང་རྣམ་པར་འཕྲུལ་བ་ཡོངས་སུ་བསྟན་པའི་ཕྱིར་རྫུ་འཕྲུལ་གྱི་རོལ་ཏུ་ཕྱིན་པ་དང་། ཆོས་ཐམས་ཅད་ལ་ཡང་དག་པར་གཞོལ་བར་བྱ་བའི་ཕྱིར་ཆོས་ཀྱི་ཕ་རོལ་ཏུ་ཕྱིན་
D44.037.0156b02.01པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོའི་ཕ་རོལ་ཏུ་ཕྱིན་པ་བླ་ན་མེད་པ་འཐོབ་པར་འགྱུར་
D44.037.0156b03.01བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཤེས་པ་ཁོང་དུ་ཆུད་པར་བྱ་བ་སྟེ། བཅུ་གང་ཞེ་ན་འདི་ལྟར་འཇིག་རྟེན་གྱི་ཁམས་ཐམས་ཅད་ལ་རྣམ་པ་ཐ་དད་པ་ཤེས་པ་ཁོང་དུ་ཆུད་པར་བྱ་བ་དང་། སེམས་
D44.037.0156b04.01ཅན་གྱི་ཁམས་ཐམས་ཅད་ཀྱི་རིགས་བསམ་གྱིས་མི་ཁྱབ་པ་ལ་འཇུག་པའི་ཤེས་པ་ཁོང་དུ་ཆུད་པར་བྱ་བ་དང་། ཆོས་ཐམས་ཅད་ལ་གཅིག་པ་དང་ཐ་དད་པར་ཡང་དག་པར་གཞོལ་བར་བྱ་བའི་ཤེས་པ་ཁོང་དུ་ཆུད་པར་བྱ་བ་དང་། ཆོས་ཀྱི་དབྱིངས་
D44.037.0156b05.01འབྱམ་ཀླས་པ་ཐམས་ཅད་ཤིན་ཏུ་བསྟན་པའི་ཤེས་པ་ཁོང་དུ་ཆུད་པར་བྱ་བ་དང་། ནམ་མཁའི་དབྱིངས་མ་ལུས་པ་ཐམས་ཅད་ཀྱིས་ཀླས་པའི་ཤེས་པ་ཁོང་དུ་ཆུད་པར་བྱ་བ་དང་། འཇིག་རྟེན་གྱི་ཁམས་ཐམས་ཅད་ལ་མ་འོངས་པའི་དུས་ཀྱི་འཇུག།
D44.037.0156b06.01པའི་ཤེས་པ་ཁོང་དུ་ཆུད་པར་བྱ་བ་དང་། འཇིག་རྟེན་གྱི་ཁམས་ཐམས་ཅད་ལ་འདས་པའི་དུས་ཀྱི་འཇུག་པའི་ཤེས་པ་ཁོང་དུ་ཆུད་པར་བྱ་བ་དང་། འཇིག་རྟེན་གྱི་ཁམས་ཐམས་ཅད་ལ་ད་ལྟར་བྱུང་བའི་དུས་ཀྱི་འཇུག་པའི་ཤེས་པ་ཁོང་དུ་
D44.037.0156b07.01