完整藏文原文 · 德格版页 当前仅加载第 37 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
འམ་ཀླག་པ་འམ་བསྟན་པ་འམ། བྲི་བ་ལྟ་ཅི་སྨོས་ཏེ་དེ་ནི་གནས་མ་ཡིན་ནོ། །གཞན་དུ་ན་ཆོས་ཀྱི་རྣམ་གྲངས་རྣམ་པ་འདི་ལྟ་བུ་དག་ནི་སྐྱེས་བུ་དམ་པ་དེ་དག་ཉིད་ཀྱི་ལག་ཏུ་ཕྱིན་པའམ། གླེགས་བམ་དུ་བྱས་པའམ། ཡིད་ལས་ཡོད་པར་འགྱུར་རོ། །
D44.037.0137b01.01ཀྱེ་རྒྱལ་བའི་སྲས་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཀྱི་རྣམ་གྲངས་འདི་ལྟ་བུ་དག་ཐོས་ན་བསམ་པ་ཐག་པས་རིམ་གྲོ་དང་། བཀུར་སྟི་དང་། རྗེ་སར་བྱས་ཏེ། སྤྱི་བོ་ལ་བླང་བར་བྱའོ། །རབ་ཏུ་དགའ་བར་བྱའོ། །དེ་ཅིའི་
D44.037.0137b02.01ཕྱིར་ཞེ་ན། ཀྱེ་རྒྱལ་བའི་སྲས་གནས་འདི་ལ་མོས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དཀོན་པ་མ་ཡིན་ནོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོ་བསྐལ་བ་
D44.037.0137b03.01བྱེ་བ་ཁྲག་ཁྲིག་བརྒྱ་སྟོང་མང་པོར་ཕ་རོལ་ཏུ་ཕྱིན་པ་དྲུག་ཡང་དག་པར་བསྒྲུབ་པ་དང་། བྱང་ཆུབ་ཀྱི་ཕྱོགས་ཀྱི་ཆོས་ཡང་དག་པར་བསྒྲུབ་པ་ལ་མངོན་པར་བརྩོན་པར་བྱས་ཀྱང་དེ་བཞིན་གཤེགས་པའི་ཆེ་བ་ཉིད་བསམ་གྱིས་མི་ཁྱབ་པ་འདི་མ་ཐོས་སམ། ཐོས་
D44.037.0137b04.01ནས་ཀྱང་ཡིད་མི་ཆེས་ཤིང་དད་པ་མེད་དེ་མི་འཇུག་ཁོང་དུ་ཆུད་པར་མི་བྱེད་ན། བྱང་ཆུབ་སེམས་དཔའ་དེ་ནི། བྱང་ཆུབ་སེམས་དཔའི་ཆོས་ཉིད་ལ་ཡང་དག་པར་བྱུང་བ་མ་ཡིན་ནོ། །དེ་ལ་དེ་བཞིན་གཤེགས་པ་རྣམས་ཀྱིས་ཀྱང་དེ་བཞིན་གཤེགས་པའི་
D44.037.0137b05.01རིགས་སུ་བྱུང་བར་བཤད་པར་མི་འགྱུར་རོ། །ཀྱེ་རྒྱལ་བའི་སྲས་ནམ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པའི་ཡེ་ཤེས་ཆེ་བ་ཉིད་བསམ་གྱིས་མི་ཁྱབ་པ་ཚད་མེད་པ་ཆགས་པ་མེད་པ་བསྒྲིབས་པ་མེད་པ་འདི་ཐོས་ནས་ཡིད་ཆེས་ཤིང་
D44.037.0137b06.01དད་དེ་འཇུག་པ་དང་ཁོང་དུ་ཆུད་པར་བྱེད་པ་དེའི་ཚེ་བྱང་ཆུབ་སེམས་དཔའ་དེ། དེ་བཞིན་གཤེགས་པའི་རིགས་སུ་བྱུང་བ་ཡིན། དེ་བཞིན་གཤེགས་པའི་ཡུལ་གྱི་རྗེས་སུ་སོང་བ་ཡིན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཉམ་པ་ཉིད་དུ་
D44.037.0137b07.01